បុរសពីរនាក់ប្រើអំពើហិង្សាដាក់គ្នារងរបួសធ្ងន់ទាំងពីរនាក់
ភ្នំពេញ៖កាលពីវេលាម៉ោង៣និង០០នាទីទៀបភ្លឺ ថ្ងៃទី១៤ កុម្ភៈ មានអំពើហិង្សាមួយបានផ្ទុះឡើងដោយសារតែមានបុរសពីរនាក់ ម្នាក់ជាជនជាតិវៀតណាមនិងម្នាក់ទៀតជាជនជាតិខ្មែរបានវាយតប់គ្នា រហូតដល់រងរបួសធ្ងន់បែកក្បាលហូរឈាមរហូតសន្លប់បាត់ស្មារតីរៀង ៗ នៅចំណុចលើ សួនរង្វង់មូលកាំភ្លើងគួចក្រណុង ខាងលិចគល់ស្ពានជ្រោយចង្វា ស្ថិតក្នុងសង្កាត់ស្រះចក ខណ្ឌដូនពេញ។
សាក្សីនៅកន្លែងកើតហេតុបានឲ្យដឹងថាមូលហេតុអ្វីឡើយដែលបណ្ដាលឲ្យ បុរសពីរនាក់ខាងលើនេះបានវាយតប់គ្នារហូតដល់ថ្នាក់រងរបួសធ្ងន់ បែកក្បាលហូរឈាមរហាមវិសនឹងធ្វើឲ្យបាត់បង់ជីវិតថែមទៀត។តែទោះជា យ៉ាងណាបុរសទាំងពីរនាក់នេះយើងពុំទាន់បានស្គាល់អត្តសញ្ញាណនៅឡើយ តែដោយសារតែពួកគេបានសន្លប់បាត់ស្មារតីទៅហើយ។
បច្ចុប្បន្នបុរសទាំងពីរនាក់ខាងលើត្រូវបានសមត្ថកិច្ចនាំយកទៅ សង្គ្រោះនៅមន្ទីរពេទ្យកាល់ម៉ែត្ររង់ចាំពេលដែលបុរសទាំងពីរនាក់ ខាងលើដឹងខ្លួនជាសះស្បើយដើម្បីនាំយកមកស្នាក់ការប៉ុស្តិ៍ធ្វើការ សាកសួរអំពីមូលហេតុដែលនាំឲ្យមានការវាយតប់គ្នាបែបនេះ៕ ហេង នាង
