រកឃើញករណីថ្មី នៃជំងឺគ្រុនផ្តាសសាយបក្សី នៅទីក្រុងភ្នំពេញ
ភ្នំពេញ៖ យោងតាមសេចក្តីប្រកាស ព័ត៌មានរបស់ក្រសួងសុខាភិបាល និងអង្គការសុខភាពពិភពលោក បានឲ្យដឹងកាលពីថ្ងៃទី៤ខែ កញ្ញាឆ្នាំ២០១៣ថា ករណីថ្មីនៃជំងឺគ្រុនផ្តាសាយបក្សី ដែលបណ្តាលមកពីមេរោគ H5N1 ត្រូវបានរកឃើញនៅលើខ្លួនទារកមួយរូបនេះ គឺមានអាយុ ១៥ ខែ មានទីលំនៅនៅ ក្នុងភូមិលេខ១១ សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។
ប្រភពបានឲ្យដឹងថា ទារកនេះ ត្រូវបានគេបញ្ជាក់ថា ឆ្លងជំងឺនេះ កាលពីថ្ងៃទី៣០ ខែសីហា ឆ្នាំ២០១៣ ក្រោយពេលដែលមានរោគសញ្ញាគ្រុនក្តៅ បន្ទាប់មក ក្អក រាគ កណ្តាស សន្លឹម និងហត់។
ប្រភពបានឲ្យដឹងថា បច្ចុប្បន្ន ទារកនេះ កំពុងតែសំរាកព្យាបាល នៅមន្ទីរពេទ្យគន្ធបុប្ផា ហើយស្ថានភាពរបស់កុមារ គឺស្ថិតនៅក្នុងសភាពហ្នឹងន នៅឡើយទេ។
នេះគឺជាករណី នៃជំងឺ ទី១៨ ដែលគេរកឃើញ នៅក្នុងឆ្នាំ២០១៣ នេះ ហើយក៏ជាករណីនៃការឆ្លងទី៣៩ ដែរ ចាប់តាំងពីជំងឺនេះ ត្រូវបានគេរកឃើញដំបូងនៅកម្ពុជា។
នៅដើមឆ្នាំនេះ នៅក្នុងចំណោមករណីទាំង១៨ ដែលបានឆ្លង គឺមានកុមារដែលរស់រានមានជីវិត គឺ ៨ នាក់។ នៅក្នុងពេលនេះ អ្នកជំនាញរបស់ក្រសួងសុខាភិបាល កំពុងតែអង្កេត និងស្រាវជ្រាវដល់ទីកន្លែង ដែលទារករស់នៅ៕ នាង/Cambodia News
