ស្ថានទូតកម្ពុជាប្រចាំប្រទេសថៃប្រកាសលេខទូរស័ព្ទបន្ទាន់ក្នុងគ្រាមានអាសន្ន
សារព័ត៌មាន Cambodia News/
ភ្នំពេញ (២៨ ឧសភា ២០១៤) ៖ ឯកអគ្គរាជទូត នៃព្រះរាជាណាចក្រកម្ពុជា ប្រចាំប្រទេសថៃបានប្រកាសលេខទូរស័ព្ទ ៣ខ្សែសម្រាប់ពលរដ្ឋរបស់ខ្លួនដែលកំពុងមានវត្តមាននៅប្រទេសថៃ ធ្វើទំនាក់ទំនង ក្នុងគ្រាដែលប្រទេសនេះកំពុងស្ថិតនៅក្នុងគ្រាមានអាសន្ន និងបំរាមគោចរចាប់ពីម៉ោង ១០យប់។
លេងទូរស័ព្ទទាំងនោះរូមមា..៖
០៨១ ៤៤ ១៩ ៨៧២
០៩៨ ៤០ ៤១ ៥៥០
០៨២ ៧៩ ៩០ ០០៧
ប្រទេសថៃបានប្រកាសច្បាប់អាជ្ញាសឹកដោយមានកងយោធាបានក្ដាប់ អំណាច ហើយបង្កើតជាក្រុមប្រឹក្សាជាតិ ដើម្បីសន្តិភាព និងសណ្ដាប់ធ្នាប់ដើម្បីស្តារស្ថានភាព និងគ្រប់គ្រងប្រទេស។ ច្បាប់ទាំងអស់នៅប្រទេសថៃ បានព្យួរមិនអនុវត្ត លើកលែងតែមាត្រាទាក់ទងស្ថាប័នព្រះមហាក្សត្រ។ ព្រឹទ្ធសភាត្រូវរំលាយ ហើយសេរីភាពសារព័ត៌មានត្រូវហាមឃាត់ ខណៈពេលព្រះមហាក្សត្របានលាយព្រះហស្ថលេខទទួលស្គាល់រដ្ឋាភិបាលយោធា។
ក្នុងសេចក្តីជូនដំណឹងរបស់របស់ស្ថានទូតកម្ពុជាបានឲ្យដឹងដែរថា ក្នុងកំឡុងពេលប្រទេសថៃកំពុងមានបញ្ហាធ្ងន់ធ្ងរនេះ សូមពលរដ្ឋទាំងអស់កុំធ្វើដំណើរទៅកាន់ប្រទេសថៃ រហូតដល់បំរាម និងស្ថេរភាពវិលមករកភាពប្រក្រតីវិញ៕
