លោកមូល សុវណ្ណគីរី ចាប់អាជីពជាតារាចម្រៀងសារជាថ្មី
ភ្នំពេញ៖ អត់រយះពេលជាង៨ឆ្នាំ ដែលអតិត Freshie Boys លោកមូល សុវណ្ណគីរីបានបោះបង់អាជីពជាតារាចម្រៀងមកធ្វើជាជាពិធីករ និងតារាសម្តែង ហើយថ្មីនេះក៏លេចឮថា លោកកំពុងតែចាប់យកអាជីពជាតារាចម្រៀងសារជាថ្មីម្តងទៀត នៅក្នុងផលិតកម្មដ៏ល្បីផងដែរ។
ជួបជាមួយលោក មូល សុវណ្ណគីរី កាលពីពេលថ្មីៗនេះលោកបានឲ្យ Cambodia News ដឹងថា ជាការពិតណាស់ពេលនេះ លោកបានចាប់អាជីពជាតារាចម្រៀងសារជាថ្មីម្តងទៀត ដែលពេលលោកថតសម្លេងបានប្រហែលជា៤បទហើយ ហើយបទទាំងនេះ គឺសុទ្ធតែជាបទដែលលោកនិពន្ធដោយខ្លួនឯងផ្ទាល់ផងដែរ។
អតិត Freshie Boysរូបនេះបានប្រាប់ឲ្យដឹងទៀតថា កាលពីមុនលោកគឺជាតារាចម្រៀងនៅក្នុងសផលិកម្មស្ទឹងសង្កែ តែគួឲ្យសោកស្តាយខ្លាំងណាស់ខណះពេលដែលលោក ច្រៀងទើបតែបានជិត១០បទប៉ុណ្ណោះ ផលិតកម្មក៏ត្រូវបានបិតតែម្តង ដូច្នេះហើយ ទើបលោកមិនសូវជាមានប្រជាប្រិយភាពដូចជាតារាចម្រៀងផ្សេងៗ។
ពេលនេះលោកមានឪកាសសារជាថ្មី បានធ្វើជាតារាចម្រៀងម្តងទៀត តាមបំណងប្រាថ្នារបស់លោក។ យ៉ាងណាមិញលោកក៏សង្ឃឹមថា នៅពេលដែលលោកប្រឡូកចូលវិស័យមួយនេះសារជាថ្មី លោកនឹងអាចទទួលបានការគាំទ្រច្រើន ពីសំណាក់មហោជននិងមិត្តអ្នកគាំទ្ររូបលោក ។
លោក សុវណ្ណគីរី មិនបានបញ្ជាក់ប្រាប់ថាលោកចូលច្រៀនៅផលិតកម្មណានោះទេ ដោយលោកគ្រាប់តែបង្ហើបប្រាប់ឲ្យដឹងថា ផលិតកម្មដែលលោកចូលច្រៀងនោះគឺជាផលិតកម្មដ៏ល្បីមួយតែប៉ុណ្ណោះ។ ជាងនេះទៅទៀតនោះនៅពេលដែលលោកប្រឡូកធ្វើជាតារាចម្រៀងពេញសិទ្ធហើយនោះ លោកនិងឈប់ពីដំណែងជាពិធីករផងដែរ។
សូមបញ្ជាក់ផងដែលថា លោកមូល សុវណ្ណគីរី បានប្រឡូកចូលសិល្បះតាំងពីឆ្នាំ២០០៦មកម្លេះ តាមរយៈកម្មវិធី Freshie Boys and Girls ដោយកាលណោះ លោកគីរី ទទួលបានចំណាត់ថ្នាក់លេខ៣។ ក្រោយៗមកទៀត តារារូបនេះលេចមុខក្នុងការងារសិល្បៈបានច្រើនគួរសម ពោលគឺទាំងសម្ដែងរឿង ខារ៉ាអូខេ ពិធីករ និងថតស្ប៉តពាណិជ្ជកម្មមួយចំនួនទៀត។ ជាពិសេសថ្មីនេះ លោកសុវណ្ណគីរីត្រូវបានមហោជនជាច្រើនចាប់អារម្មណ៌ពីទេពកោសល្យរបស់លោកខណះពេល បានក្លាយជាពិធីករនៅស្ថានីយMy VT ។ លើសពីនេះទៅទៀតនៅលោក ក៏ធ្លាប់បានក្លាយខ្លួនជាម្ចាស់ពានរង្វាន់ Freshie គំរូ មួយរូបក្នុងចំណោម៧រូបផងដែរ៕ ស.រ/Cambodia News
