ប្រាក់ដុល្លារអូស្ត្រាលីនឹងបន្តធ្លាក់ចុះក្នុងរយៈពេលយូរ
អ្នកវិភាគលើរូបិយវត្ថុរបស់ ធនាគារ Westpac នៅក្នុងប្រទេសអូស្រ្តាលី និយាយថា ការកាត់បង្រួមចុះនូវវិធានការរបស់នាគារជាតិនៃសហរដ្ឋអាម៉េរិក ក្នុងចាយប្រាក់ដើម្បីស្ដារសេដ្ឋកិច្ចនោះ នឹងជំរុញឲ្យតម្លៃប្រាក់ដុល្លារអូស្ត្រាលីបន្តធ្លាក់ចុះក្នុង រយៈពេលយូរថែមទៀត។
កម្មវិធី ទិញប័ណ្ណបំណុល (bond-buying program) របស់ធនាគារជាតិអាម៉េរិកនឹងត្រូវរួញចុះទឹកប្រាក់ពី ៨៥ពាន់លានដុល្លារអាម៉េរិក មកនៅត្រឹម៧៥ពាន់លានដុល្លារអាម៉េរិកវិញក្នុងមួយខែ ដែលនឹងត្រូវចាប់អនុវត្ត ក្នុងខែមករាខាងមុខនេះហើយ។
លោក Robert Rennie ប្រធានផ្នែកប្ដូររូបិយវត្ថុបរទេសសកលរបស់ធនាគារ Westpac បានមានប្រសាសន៍ថា ការសម្រេចរបស់ធនាគារជាតិអាម៉េរិកនេះ នឹងជួយឲ្យធនាគារជាតិអូស្ត្រាលីទទួលជោគជ័យលើផែនការរបស់ខ្លួន ក្នុងការធ្វើឲ្យតម្លៃប្រាក់ដុល្លារអូស្ត្រាលីធ្លាក់ចុះ។ លោកមានប្រសាសន៍ថា ការធ្លាក់ចុះតម្លៃប្រាក់ដុល្លារអូស្ត្រាលីគឺជាអំណោយផលល្អ ក្នុងរយៈពេលវែងសម្រាប់ប្រទេសអូស្រ្តាលី៕(Radio Australia)