តុលាការកោះហៅលោក កឹម សុខា ចូលបំភ្លឺលើកទីពីរ
Cambodia News
ភ្នំពេញ៖ ខណៈពេលលោក កឹម សុខា ប្រធានស្តីទីគណបក្សសង្គ្រោះជាតិកំពុងជាប់ដៃធ្វើយុទ្ធនាការឃោសនា បោះឆ្នោត សាលាដំបូងរាជធានីភ្នំពេញបានចេញដីកាកោះហៅលោកឲ្យចូលបំភ្លឺជាលើក ទីពីរនៅថ្ងៃទី០៥ ខែកក្កដានេះ លើករណីចោទប្រកាន់ពីបទបរិហាកេរ្តិ៍ ក្រោមបណ្តឹងរបស់ប្រធានសមាគមជនរងគ្រោះនៃរបបខ្មែរក្រហមលោក ជុំ ម៉ី។
សាលាដំបូងរាជធានីបានចេញដីកាកោះហៅឲ្យចូលបំភ្លឺម្តងរួចមកហើយ កាលពីថ្ងៃទី ២៧ ខែមិថុនា ឆ្នាំ២០១៣ ដែលជាថ្ងៃឃោសនារកសម្លេងឆ្នោតដំបូង ប៉ុន្តែប្រធានស្តីទីរបស់គណបក្សសង្គ្រោះជាតិ លោក កឹម សុខា មិនបានចូលខ្លួនទៅតុលាការដើម្បីឲ្យតុលាការសាកសួរ ពាក់ព័ន្ធនឹងការចោទប្រកាន់ពីបទបរិហាកេរ្តិ៍នោះទេ។
លោកជុំ ម៉ី អ្នករស់រានមានជីវិតពីគុកទួលស្លែងរបស់ខ្មែរក្រហមនិងជាដើមបណ្តឹង បានចូលខ្លួននៅតុលាការកាលពីថ្ងៃទី២៤ ខែមិថុនា ដើម្បីការពារបណ្តឹងបរិហារកេរ្តិ៍ដែលលោកនិងជនរងគ្រោះនៃគុក ទួលស្លែងបីនាក់ទៀតបានដាក់ប្តឹងប្រឆាំងនឹងលោក កឹម សុខា៕
