មន្រ្តីជាន់ខ្ពស់ក្រសួងមហាផ្ទៃជិះម៉ូតូតម្លៃបួនម៉ឺនដុល្លារឃោសនាបោះឆ្នោត
ឆាយ សុផល/Cambodia News
ឯកឧត្តមឧត្តមសេនីយឯក អែម សំអាន រដ្ឋលេខាធិការក្រសួងមហាផ្ទៃបានប្រើប្រាស់ម៉ូតូដ៏ប្រណិតផ្ទាល់ខ្លួនដែលមានតម្លៃដល់ទៅបួនម៉ឺនដុល្លារអាមេរិក ដើម្បីដឹកនាំយុវជនរាប់ពាន់នាក់ដែលគាំទ្រគណបក្សប្រជាជនកម្ពុជា ក្នុងអំឡុងពេលយុទ្ធនាការឃោសនាបោះឆ្នោត នៅស្រុកល្វាឯម ខេត្តកណ្តាល។
តម្លៃម៉ូតូគឺអាចទិញផ្ទះល្វែងមួយខ្នងនៅក្នុងរាជធានីភ្នំពេញ ឬទិញរថយន្តជជុះស្អាតបានពីរបីគ្រឿងសម្រាប់អ្នកមានជីវភាពមធ្យម ឬអាចទិញម៉ូតូជជុះប្រមាណជា ១០០ គ្រឿងបាន។
បើតាមប្រសាសន៍របស់ឯកឧត្តមគឺថា ម៉ូតូនេះមានតែពីរគ្រឿងប៉ុណ្ណោះនៅកម្ពុជា គឺមួយគ្រឿងជារបស់គាត់ និងមួយគ្រឿងទៀតជារបស់លោក ហ៊ុន តូ ក្មួយប្រុសរបស់លោកនាយករដ្ឋមន្រ្តី ហ៊ុន សែន៕
