បារាំងមិនដាក់វិស័យសោតទស្សន៍ ចូលក្នុងការផ្លាស់ប្តូរពាណិជ្ជកម្មសេរី អាមេរិក-អ៊ឺរ៉ុប
នៅក្នុង ការពិភាក្សាគ្នាមួយជាង ១៣ម៉ោង រវាង ប្រទេស ជាសមាជិកទាំង២៧ ក្នុងសហភាពអ៊ឺរ៉ុបលើ អណត្តិ ស្តីពីការប្តូរពាណិជ្ជកម្មសេរី អាមេរិក-អ៊ឺរ៉ុប បានដល់ចំណុចយល់ស្របមួយហើយ។ គឺការពិភាក្សាកាលពីថ្ងៃ សុក្រ បារាំងចង់ ដកវិស័យសោតទស្សន៍ចេញ ពីការផ្លាស់ប្ដូរពាណិជ្ជ កម្មខាងលើ។
បារាំងបានប្រឆាំងជាដាច់ខាត ក្នុងការដាក់ វិស័យ សោតទស្សន៍ ទៅក្នុងការផ្លាស់ពាណិជ្ជ កម្មសេរីរវាង អាមេរិក-អឺរ៉ុប។ ហើយបន្ទាប់មានការអនុម័ត យល់ព្រមគ្នា មួយរវាង ប្រទេសទាំង២៧ របស់សហភាពអឺរ៉ុប ទីក្រុងប៉ារីសបានអបអរ ដោយចាត់ទុកថានេះ ជាជោគជ័យរបស់ខ្លួន។ នេះបើតាមការអះអាង របស់រដ្ឋមន្រ្តីក្រសួងវប្បធម៌បារាំង កាលពី ថ្ងៃសុក្រទី ១៤មិថុនា។
ការពិភាក្សាគ្នា លើចំណុចខាងលើ បានអូសបណ្លាយអស់រយៈពេលជាង មួយឆ្នាំមកហើយ។ គឺក្នុងនោះ ទីក្រុងប៉ារីសព្រួយបារម្ភថា ការដាក់ វិស័យសោតទស្សន៍ ទៅក្នុង កិច្ចព្រមព្រៀង ផ្លាស់ប្តូរពាណិជ្ជកម្មសេរី ជាមួយ អាមេរិកនឹង វស័យខាងលើ របស់អឺរ៉ុប នឹងជួបហានិភ័យ។ គឺពេលដែលមានការចុះកិច្ចព្រមព្រៀងរវាងគ្នា និងគ្នា ក្នុងការផ្លាស់ ប្តូរពាណិជ្ជកម្មសេរី គឺរាល់ ទំនិញ នាំចូល និងចេញ នឹងមានការរួចពន្ធ ឬអាត្រាពន្ធទាបជាដើម។ ពេលនោះនឹងមានការនាំចូល ផលិតផល នានា ក្នុងវិស័យសោតទស្សន៍ ជាច្រើន ក្នុងផ្សារអឺរ៉ុបដោយតម្លៃទាប។
យើងក៏បានដឹងហើយថា ក្នុងវិស័យសោតទស្សន៍ អាមេរិក មានការជឿនលឿនជាងបណ្តាប្រទេស ដ៍ទៃៗ ទៀត។ ក្នុងនោះ ធ្វើឲ្យបារាំង បារម្ភថា ហូលីវ៉ូដ ដែលជា ឧស្សាហកម្មភាពយន្ត ដ៏ធំជាងគេក្នុងពិភពលោក នឹងអាចវាយលុក ដាច់ ក្នុងទីផ្សារអឺរ៉ុប។ ដែលបច្ចុប្បន្ន វិស័យសោតទស្សន៍ អឺរ៉ុបមាន ទុន វិនិយោគរបស់ខ្លួន ប្រមាណជាង ១ម៉ឺន ៧ ពាន់លាន អឺរ៉ូ និងបង្កើតការងារបានប្រមាណជាង ១លាននាក់។
តែបើទោះបីជា មិនមានកិច្ចព្រមព្រៀង លើវិស័យខាងលើ ក្នុងការផ្លាល់ប្តូរពាណិជ្ជកម្ម អាមេរិក -អឺរ៉ុប ក៏ដោយ ក៏គេឃើញ មានដូចជា ភាពយន្ត ចំរៀង និងផលិតផលនានា ក្នុងវិស័យសោត ទស្សន៍ជាច្រើន កំពុងតែមានសម្ទុះផងដែរ នៅក្នុងទីផ្សារ អឺរ៉ុប ដែលគិត ជាទឹកប្រាក់ប្រមាណជា ១៥០០លាន អឺរ៉ុប ក្នុងមួយឆ្នាំៗ។
គួរបញ្ជាក់ដែរថា ក្នុងការសុំលើកលែងលើ វិស័យខាងលើ ធ្វើឲ្យគេមានការ បារម្ភថា នឹងមានផលវិបាក នៅពេលដែលមានការចចាជាមួយភាគីអាមេរិក នៅពេលខាងមុខ។ ក្នុងករណីនេះ សហរដ្ឋអាមេរិក នឹងទាមទារឲ្យមានករណីលើកវិស័យមួយចំនួន ដើម្បី រក្សារបាននូវផលប្រយោជន៍របស់ខ្លួនវិញផងដែ។ ក្នុងនោះ គេ អាចដឹងបានថាមានដូចជា លើសេវាកម្មហេរញ្ញវត្ថុ និងផ្នែកដឹកជញ្ជូនតាមផ្លូវសមុទ្រជាដើម។
សូមបញ្ជាក់ថា ក្នុងការងារ ផ្លាស់ប្តូរពាណិជ្ជកម្មសេរី រវាង អាមេរិកនិងអឺរ៉ុប នឹងត្រូវ គេកំណត់ឲ្យ ចប់រួចរាល់ នៅបំណាច់ឆ្នាំ ២០១៤។ ហើយដៃគួរពាណិជ្ជកម្មទាំងពីរគ្រោងថវិការវិនិយោគឲ្យបាន ដល់ជាង ១០០ពាន់ លានអឺរ៉ូ៕ដោយ ជា ប៊ុនធឿន (RFI)
