ជា វណ្ណារិទ្ធ យោងភរិយាចូលសិល្បះ
Cambodia News
ព័ត៌មានកម្សាន្ត
ភ្នំពេញ៖ ពិធីករមានភាពលេចធ្លោ ក្នុងកម្មវិធី “Cha Cha Cha” ប្រចាំស្ថានីយទូរទស្សន៍បាយ័ន លោក ជា វណ្ណា រិទ្ធ ពេលនេះបានដឹកដៃភរិយាជាទីស្រឡាញ់ ចូលប្រឡូកក្នុងសិល្បះជាមួយគ្នា បន្ទាប់ពីរៀបអាពាហ៌ពិពាហ៌បានរយះពេល៥ខែកន្លងផុតទៅ។
ជួបជាមួយប្រុសរូបស្រស់សង្ហា លោក ជា វណ្ណារិទ្ធ បានឲ្យដឹងថា ភរិយារបស់លោកបានចូលក្នុងពិភពសិល្បះអស់រយះពេល៣ខែមកហើយ ដោយនាងបានធ្វើជាពិធីការនីជាមួយរូបលោកក្នុងកម្មវិធី Music Box ដែលជាកម្មវិធីរបស់ ស្ថានីយទូរទស្សន៍បាយ័ន ហើយក្រៅពីនេះនាងក៏បានថតខារ៉ាអូឃេខ្លះៗផងដែរ។
លោក ជា វណ្ណារិទ្ធ បានបន្តទៀតថា ជាការពិតណាស់កាលដែលភរិយារបស់លោកចូលធ្វើជាពិធីការនីនេះគឺដោយសារតែ ស្ថានីយទូរទស្សន៍ ខ្វះបុគ្គលិត ដូច្នេះលោកយល់ ថាភរិយារបស់លោកក៏មានទេព្យកោសល្យខាងវិស័យសិល្បះដូចជារូបលោកដែល ហើយលោកក៏បាននែនាំនាងចូលសិល្បះតែម្តង។ យ៉ាណាមិញលោក ក៏សង្ឃឹមថាភរិយារបស់លោកនឹងអាច ទទួលបានកាគាំទ្រច្រើន និងមានមុខដូចជារូបលោក នៅក្នុងសង្គមសិល្បះផងដែរ។
ជាការពិតណាស់ ថ្វីត្បិតតែភរិយារបស់លោក ជា វណ្ណារិទ្ធ ទើបតែចាប់យកអាជីពនេះក៏ពិតមែន តែមើលទៅនាងមានទេពកោសល្យល្អខ្លាំងណាស់ ហាត់បីដូចជាធ្លាប់ធ្វើជាពិធីការនីរាប់ឆ្នាំមកហើយទាំងពាក្យសម្តី និងកាយវិការមិនចាប់លោកជា វណ្ណារិទ្ធ ដែលជាពិធីការជើងចាស់នោះទេ។ ជាងនេះទៅទៀតនោះរូបសម្បត្តិដ៏ស្រស់សោភាពរបស់នាងក៏មិនចាញ់ពិធីការនីផ្សេងៗនោះដែរ ហើយមិនយូឆាប់នោះទេ នាងក៏ប្រហែលជាអាចមានឈ្មោះបោះសម្លេងនៅក្នុងខ្សែរភាយន្តណាមួយមិនខាននោះទេ ដែលបញ្ហានេះលោក វណ្ណរិទ្ធ ក៏មិនបានហាមឃាត់ភរិយារបស់ខ្លួនមិនឲ្យចូលសម្តែងនោះដែរ គឺមានតែជំរុញបន្ថែមទៀត។
គួររំឭកផងដែលថាលោក ជា វណ្ណារិទ្ធបានរៀបអាពាហ៍ពិពាហ៍ចាមួយអ្នកនាង សុភាព មូល្យ៉ា កាលពីថ្ងៃទី២៧ ខែមករា ឆ្នាំ២០១៣កន្លងទៅនេះ ដោយភរិយាមានវ័យ២៣ឆ្នាំ ជានិស្សិតនៃ សាលាច្នៃម៉ូដលីមកុកវីង និងជាកូនស្រី លោកសាស្រ្តា ចារ្យនៅសាកលវិទ្យាល័យជាតិគ្រប់គ្រង ចំណែកឯលោ ជាវណ្ណរិទ្ធវិញ ក៏ជាតារាសម្តែង និងជាពិធីករដ៏ល្បី ដែលទើបតែ ទទួលបានពានរង្វាន់ “ពិធីករដ៏ឆ្នើម” ក្នុងកម្ម វិធី “Freshy Boy & Girl” ផងដែរ ៕ ស.រ
