ដួង ម៉ានិច ផ្សងសំុជួបស្នេហាស្មោះត្រង់
សារព័ត៌មាន Cambodia News/
កម្សាន្ត (១៥ ធ្នូ ២០១៥) ៖ កាលពីថ្មីៗកន្លងទៅនេះកញ្ញា ដួង ម៉ានិច ធ្លាប់មានព័ត៌មាន អំពីសម្ព័ន្ធភាពស្នេហាលួចលាក់ជាមួយអ្នកដឹកនាំតួសម្តែងនៅផលិតកម្មសាន់ដេគឺលោក មករា ខូល ប៉ុន្តែដំណឹងនោះក៏ត្រូវ បាននាងចេញមុខច្រានចោលភ្លាមៗ។
ដោយនាងបានលើកឡើងថា នាង និង លោក មករា ខូលពុំមែនជាការពិតឡើយ ព្រោះនេះគ្រាន់តែការយល់ច្រឡំប៉ុណ្ណោះ។ ម្យ៉ាងទៀតជារឿយៗនាង ក៏តែងលើកនិយាយបញ្ជាក់ប្រាប់ថា បេះដូងរបស់នាងពេលនេះ គឺនៅទំនេរស្អាតគ្មានជាប់ពាក់ព័ន្ធជាមួយបុរសណាម្នាក់ឡើយ។
ទន្ទឹមគ្នានឹងការបដិសេធមិនទាន់មានស្នេហានេះដែរកញ្ញា ដួង ម៉ានិច បានសរសេរនៅលើបណ្ដាញសង្គមហ្វេសប៊ុកផ្ទាល់ខ្លួនហាក់ចង់ប្រកាសរកស្នេហ៍ស្មោះនឹងប្រាប់បុរសៗ ដែលកំពុងមានបំណងស្រលាញ់នាងថា Good morning all Fri ពេលនេះខ្ញុំមិនមានស្នេហាដូចគេមែនតែបេះដូងនៅតែលួចប្រាថ្នា សង្ឃឹមថា ថ្ងែណាមួយ ការគិតរបស់ខ្ញុំនឹងក្លាយទៅជាការពិត ដូចចិត្តដែលបានផ្សង សុំជួបមនុស្សល្អហើយ…………….។
ត្បិតតែមិនទាន់អាចសុំការសួរនាំបន្ថែមពីតារាសម្ដែងស្រីក្រសោបបានទីផ្សារសម្ដែង យ៉ាងគំហុកកញ្ញា ដួង ម៉ានិច តាមប្រព័ន្ធទូរស័ព្ទ បាននៅរសៀលថ្ងៃទី១៥ ខែធ្នូ ឆ្នាំ២០១៥នេះយ៉ាងណាក្តីតែមានទស្សនិកជនអ្នកលេងហ្វេសប៊ុកខ្លះ បានលើកឡើងថា ម៉ានិច ទំនងពេលនេះមានតម្រុយនឹងចំហាយស្នេហ៍ពីបុរសណាម្នាក់ ហើយមើលទៅបានជានាងហ៊ាននិយាយដូច្នេះ៕
