លោក ហ៊ុន សែន មានបំណងកាន់អំណាច រហូតដល់អាយុ ៧៤ឆ្នាំ
Cambodia News
កំពង់ស្ពឺ ៖ នៅក្នុងពិធីបើកការដ្ឋានផ្លូវ ជាតិលេខ៤៤ ខេត្ដកំពង់ស្ពឺ នាព្រឹកថ្ងៃទី៦ ខែឧសភា នេះ លោកនាយករដ្ឋមន្ដ្រី ហ៊ុន សែន បានប្រកាសថា នឹងគ្រង តំណែង រហូតដល់ អាយុចន្លោះពី៧៤ដល់ ៧៦ ដូចអតីតនាយករដ្ឋមន្ដ្រីចិន វ៉េន ជាវ បាវ ដែលបានចាកចេញ ពីតំណែងនាយក រដ្ឋមន្ដ្រីចិន ក្នុងអាយុ៧៤ឆ្នាំ។
ការប្រកាសនេះគឺ ដើម្បីបញ្ជាក់ត្រឡប់ទៅ កាន់បក្សប្រឆាំង និងអ្នកនយោបាយ ក៏ដូចជាការបញ្ជាក់ទៅកាន់ប្រជាពលរដ្ឋ ប្រមាណ១ម៉ឺននាក់ នៅក្រុងច្បារមន។
លោកនាយករដ្ឋមន្ដ្រី បានមានប្រសាសន៍ទៀតថា ប្រសិនបើគេផ្ដួលលោកឱ្យដួល នោះ គណបក្សប្រជាជនកម្ពុជា ដូចជាដាច់ជើង ម្ខាង ហើយហេតុអ្វីបានមួយៗ ចង់តែកម្ចាត់ ហ៊ុន សែន រហូតដល់ប្រើពាក្យថា មានស៊ី អត់សែន មានសែន អត់ស៊ី ដែលនេះគឺជា នយោបាយរបស់គេ ។
ជាថ្មីម្ដងទៀត សម្ដេចនាយករដ្ឋមន្ដ្រី ហ៊ុន សែន នៅតែប្រើពាក្យថា បើស្រឡាញ់ បើអាណិត បើពេញចិត្ដ និងបើជឿទុកចិត្ដ សម្ដេច ត្រូវបោះឆ្នោតជូនគណបក្សប្រជាជន កម្ពុជា ៕
