រថយន្តបុកម៉ូតូរបួសធ្ងន់មនុស្ស២នាក់
Cambodia News
ភ្នំពេញ៖ កាលពីវេលាម៉ោង ២១និង៣០នាទីយប់ ថ្ងៃទី០៨ ខែមេសា បុរសពីរនាក់បានរងរបួស ដោយសារជិះម៉ូតូបុកគ្នាជាមួយរថយន្តនៅលើកំណាត់ផ្លូវ១៨២ សង្កាត់ផ្សារដេប៉ូទី១ ខណ្ឌទួលគោក។
អ្នករងគ្រោះទាំងពីរនាក់ខាងលើនេះ មិនត្រូវស្គាល់អត្តសញ្ញាណឡើយ ដោយសារក្រោយកើតហេតុភ្លាមៗ រថយន្តសាមុយមកដឹកអ្នករបួសទាំងពីរនាក់ទៅសង្គ្រោះបន្ទាន់ នៅមន្ទីរពេទ្យបាត់។
គ្រោះថ្នាក់ខាងលើនេះ បង្កឡើងដោយរថយន្តឡង់ឌឺស័រ ពណ៌ខ្មៅ មិនចាំស្លាកលេខ បើកបរលើកំណាត់ផ្លូវ១៨២ ក្នុងទិសដៅពីលិចទៅកើត ហើយបានបុកជាមួយនិងអ្នកជិះម៉ូតូម៉ាកគុបជ្រុង ពណ៌ទឹកប៊ិច ដែលបើកបរបញ្ច្រាសទិសគ្នា បណ្ដាលឲ្យដួលម៉ូតូអ្នកជិះម៉ូតូទាំងពីរនាក់ ហើយរថយន្តបើករត់គេចបាត់។ ហេង នាង
