ធី សុវណ្ណថា ប្រកាសឈប់ទាក់ទងជាមួយស្រី ចំរើន
សារព័ត៌មាន Cambodia News/
ភ្នំពេញ (២៦ ធ្នូ ២០១៦) ៖ តាមរយៈសារនៅលើទំព័រហ្វេសប៊ុករបស់នាង កាលពីថ្ងៃទី២៤ ធ្នូ កញ្ញាធី សុវណ្ណ បានប្រកាសជាសាធារណៈថា នាងឈប់ទាក់ទងជាមួយក្រុម ស្រី ចំរើន និងក្រុម ផៃ សុវណ្ណរិទ្ធ…ហើយខ្ញុំបាននិងកំពុងរៀបចំពាក្យបណ្តឹងនិងសហការជាមួយសមត្ថកិច្ច ដើម្បីចាប់ខ្លួនបុគ្គលទាំងនោះពីបទប្រមាទនិងទំលាយឯកសារឯកជន…”។
លើសពីនេះ នាងបានបន្ថែមថា “…ខ្ញុំនឹងមិនទទួលខុសត្រូវចំពោះអ្វីដែលពួកគេនិយាយនោះទេហើយខ្ញុំក៍មិនមានអ្វីដែលនឹងត្រូវពាក់ពន្ធ័ជាមួយពួកក្រុមនោះដែរ…”។ ការប្រកាសឈប់ទាក់ទងជាមួយក្រុម ស្រី ចំរើន នេះបានកើតឡើងក្រោយពីរូបកញ្ញាកាន់កាំភ្លើងជាមួយសារគំរាមត្រូវបានបង្ហោះចូលក្នុងហ្វេសប៊ុករបស់លោកស្រី ចំរើន។
គួររំលឹកថា កាលពីពេលកន្លងទៅថ្មីៗនេះ គឺគេបានឃើញថា ទំព័រហ្វេសប៊ុករបស់កញ្ញាធី សុវណ្ណថាលេចចេញនូវព័ត៌មានមិនប្រក្រតីជាច្រើន ដែលក្នុងរួមមានការចរចាពាក្យសម្ដីជាមួយតាម្នាក់ ដើម្បីរៀបចំផែនការកម្ចាត់លោកកឹម សុខាអនុប្រធានគណបក្សសង្គ្រោះជាតិ, ការគំរាមសម្លាប់លោកកឹម សុខា ជាដើម។ បញ្ហាទាំងនេះ ក៏ត្រូវបានសមីខ្លួនចេញមុខប្រកាសថានោះគឺមិនមែននាងជាអ្នកបង្ហោះនោះ គឺមានក្រុមជនខិលខូចបន្លំគណនីរបស់នាង៕
