នាយករដ្ឋមន្ត្រីអំពាវនាវ ដល់បក្សនយោបាយ រៀបចំស្លាកឲ្យរឹងមាំ
Cambodia News
ភ្នំពេញ៖ ថ្លែងនៅក្នុងពិធីចែកសញ្ញាបត្រដល់និស្សិតពីសកលវិទ្យាល័យភូមិន្ទភ្នំពេញ នៅមជ្ឈមណ្ឌលកោះពេជ្រ នាព្រឹកថ្ងៃទី០២ មេសា ២០១៣ លោកនាយករដ្ឋមន្ត្រី ហ៊ុន សែន បានធ្វើការអំពាវនាវជាសា ធារណៈ ដល់បណ្ដាគណបក្សនយោបាយទាំងអស់ រៀបចំស្លាកយីហោសម្រាប់ឃោសនារបស់ខ្លួនឲ្យបានរឹងមាំ ។
ជាមួយគ្នានោះដែរលោកនាយករដ្ឋមន្ត្រី ក៏បានលើកឡើងថា ការឃោសនាស្វែងរកសម្លេងឆ្នោតនាពេលខាងមុខគឺឈរនៅលើបរិយាកាសស្មើភាព គ្នា និង យុត្តិធម៌ ។ ដោយលោកបានប្រាប់ទៅក្រុមសត្ថកិច្ច ឲ្យរក្សាការពារសណ្ដាប់ធ្នាប់ធ្វើយ៉ាងណាឲ្យដំណើរការបោះឆ្នោត ប្រព្រឹត្តនទៅដោយរលូន ចៀសវាងការ លាបពណ៌ បង្កាច់បង្ខូចគ្នា ។
ទាក់ទងការតម្លើងប្រាក់ខែដល់មន្ត្រីរាជការ ដែលថាចាប់ពីអាណ្តតិក្រោយទៅការតម្លើងប្រាក់ខែត្រូវធ្វើតាមកំណើន សេដ្ឋកិច្ចរបស់កម្ពុជា ។ ពោលគឺមិនអនុវត្តន៏តាមគោ ល ការតម្លើង២០ភាគរយ ដែលធ្លាប់បានធ្វើជារៀងរាល់ឆ្នាំនោះទៀតទេ ។ ចំណែករឿងតម្លើងប្រាក់ខែគោលដ៏ចម្រូងចម្រាសដល់កម្មករ ត្រូវបានលោក នា យ ក រដ្ឋមន្ត្រី លើកឡើងថា នឹងមានការពិភាក្សាគ្នាជាលក្ខណត្រីភាគីនាពេលក្រោយ ៕
