ដំណុះសេដ្ឋកិច្ចវៀតណាមមានការធ្លាក់ចុះថយ
តួលេខថ្មី ចុងក្រោយបង្ហាញឲ្យឃើញថា ដំណុះសេដ្ឋកិច្ចវៀតណាមបានធ្លាក់ថមថយ នៅក្នុងត្រីមាសទីមួយនៃឆ្នាំនេះ ដោយផលិតផលសរុបក្នុងស្រុកបានកើនឡើងត្រឹមតែ 4.89% នៅក្នុងត្រីមាសដំបូងនៃឆ្នាំនេះ។
បើប្រៀបធៀបទៅនឹងឆ្នាំមុន ដំណុះសេដ្ឋកិច្ចមានការកើនឡើង 5.44% នៅក្នុងត្រីមាសទី៤។
ការិយាល័យស្ថិតិទួទៅធ្វើការព្រមានអំពីទិដ្ឋភាពដ៏លំបាកបំផុតសម្រាប់ប្រទេសវៀតណាម នៅក្នុងឆ្នាំ ២០១៣នេះ។
ការិយាល័យ នោះនិយាយថា ការលំបាកនៃបណ្ដាក្រុមហ៊ុនឯកជន និងអត្រាការប្រាក់ខ្ពស់កំពុងតែរួមចំណែកធ្វើឲ្យបរិយាកាស សេដ្ឋកិច្ចមានភាពថមថយ។
កាលពីពេល ២ថ្ងៃមុននេះ ធនាគារកណ្ដាលវៀតណាម បានបញ្ចុះអត្រាការប្រាក់ ជាលើកទី៧ នៅក្នុងរវាងពេលជាងមួយឆ្នាំមកនេះ ដើម្បីខិតខំជំរុញកម្លាំងពាណិជ្ជកម្មរបស់បណ្ដាក្រុមហ៊ុនដែលជួប នឹងការលំបាក៕ (Radio Australia)
