អ្នកនាំពាក្យស្ថានទូតវៀតណាម មិនសុំទោសប្រជាពលរដ្ឋខ្មែរជាដាច់ខាត
សារព័ត៌មាន Cambodia News/
វៀតណាម( ០៩ កក្កដា ២០១៤) ៖ ថ្លែងប្រាប់សារព័ត៌មានShanghay Daily.com កាលពីព្រឹកថ្ងៃអង្គារ អ្នកនាំពាក្យស្ថានទូតវៀត ណាម លោក ត្រឹង វ៉ានថុង បានបញ្ជាក់យ៉ាងដាច់ខាតថា ខ្លួននឹងមិនសុំទោស ប្រជាពលរដ្ឋខ្មែរ ដែលតវ៉ានោះទេ ហើយថា ការតវ៉ានោះ គឺជាអំពើរំលោភច្បាប់។សារព័ត៌មានដដែលបានដកស្រង់សម្តីរបស់លោក ត្រឹង វ៉ានថុង ថា«ខ្ញុំពុំមានអ្វីសំទោសសម្រាប់ការថ្លែងរបស់ខ្ញុំទេពីព្រោះទឹកដីផ្នែកខាងត្បូងវៀតណាមជាកម្មសិទ្ធិរបស់វៀតណាម។អ្នកតវ៉ាកំពុងតែរំលោភច្បាប់កម្ពុជា និងអន្តរជាតិ។
ការបដិសេធយ៉ាងដាច់ខាតនេះ បានធ្វើឡើងបន្ទាប់ពី អ្នកតវ៉ាបានប្រមូលផ្តុំនៅមុខស្ថានទូតវៀតណាម កាលពីព្រឹកថ្ងៃអង្គារ ទី០៨ កក្កដា នេះ បានតវ៉ា ក្នុងបំណងទាមទារឲ្យអ្នកនាំពាក្យស្ថានទូតវៀតណាម សុំទោសប្រជាពលរដ្ឋខ្មែរ ដែលខ្លួនបានអះអាងថាទឹកដីកម្ពុជាក្រោមជារបស់វៀតណាមតាំងពីអតីតកាលមិនមែនទើបតែ បារាំងកាត់ចេញពីកម្ពុជា ប្រគល់ឲ្យវៀតណាមគ្រប់គ្រង នៅថ្ងៃទី៤មិថុនា ឆ្នាំ១៩៤៩ នោះទេ។
ការតវ៉ានៅព្រឹកដដែលនោះ ក៍មានការរារាំងពីសំណាក់កងកម្លាំងសមត្ថកិច្ច រហូតឈានដល់ការប៉ះទង្គិចគ្នាដោយហិង្សា ខណៈដែលក្រុមយុវជន បានព្យាយាមប្រមូលលើកបដាតវ៉ា។ក្នុងការប៉ះទង្គិចនោះ មានព្រះសង្ឃមួយព្រះអង្គ ត្រូវបានសមត្ថកិច្ចដកហូតទូរស័ព្ទ ដៃ និងអ្នកបើកឡានតំណាងរាស្ត្រម្នាក់ ត្រូវបានសមត្ថកិច្ចបោកកម្ទេចI Paid មួយគ្រឿង និងមានការបំបែកការតវ៉ា ការគប់ដំថ្មរហូតធ្វើឲ្យមនុស្សយ៉ាងតិច១០នាក់រងរបួសផងដែរ៕
