នៅឆ្នាំ២០១២កម្ពុជាចាប់ឧក្រិដ្ឋជនគ្រឿងញៀនបានជិត ២ពាន់នាក់
Cambodia News
ភ្នំពេញ៖ ថ្លែងនៅក្នុងសន្និសីទស្តីពីការប្រយុទ្ធប្រឆាំងគ្រឿងញៀន នៅក្រសួងមហាផ្ទៃ នាថ្ងៃទី១២ ខែមីនា ឆ្នាំ២០១៣ លោកឧបនាយករដ្ឋមន្រ្តី កែ គឹមយ៉ានប្រធានអាជ្ញាធរជាតិប្រយុទ្ធប្រឆាំងគ្រឿងញៀន បានមានប្រសាសន៍ថា នៅឆ្នាំ២០១២ អាជ្ញាធរ ប្រយុទ្ធគ្រឿងញៀនបានចាប់ឧក្រិដ្ឋជន គ្រឿងញៀន បានចំនួន១.៧៨៨នាក់ ជាមួយការរឹបអូស បានថ្នាំញៀន ប្រមាណ៨១គីឡូក្រាម និងសារធាតុសម្រាប់ ផលិតថ្នាំញៀន ជាង៥១តោន។
លោកឧត្តមសេនីយ៍ឯក យូ ស៊ុនឡុង អគ្គ លេខាធិការអាជ្ញាធរគ្រឿងញៀនកម្ពុជា បានឲ្យដឹងថា ថ្នាំញៀនទាំងនោះ ត្រូវបានគេជូញដូរនៅតាមរង្គសាល បៀហ្គាឌិន ឌីស្កូថេក ហាងខារ៉ាអូខេ ក្លឹបរាត្រី និងតំបន់សំណង់មិនរៀបរយ នៅក្នុងប្រទេសកម្ពុជា ។
លោកឧត្តមសេនីយ៍ឯក យូ ស៊ុនឡុង ឧក្រិដ្ឋជនទាំងនោះមាន កម្ពុជា វៀតណាម ឡាវ ថៃ ចិន នីហ្សេរីយ៉ា អាមេរិកាំង បារាំង ន័រវេ ហ្វីលីពីន សេរាឡេអូន និងម៉ិកស៊ីក។ សម្រាប់ពលរដ្ឋកម្ពុជា មានប្រមាណ៤.០៥៧នាក់ បានធ្លាក់ខ្លួនញៀនថ្នាំ ហើយក្នុងចំណោមនោះ មាន២.៥៥៣នាក់ បានទទួលការព្យាបាល៕
