លោក ហ៊ុន សែន អំពាវនាវឱ្យលុបបំបាត់វប្បធម៌លួចចម្លង
សារព័ត៌មាន Cambodia News/
ភ្នំពេញ(០៣ មីនា ២០១៥) ៖ នៅក្នុងទិវាវប្បធម៌ជាតិលើកទី១៦ ដែលប្រារព្ធធ្វើឡើងនៅសាលសន្និសីទចតុមុខ នាព្រឹកថ្ងៃចន្ទ ទី៣ មីនា នេះ លោក នាតករដ្ឋមន្ត្រី ហ៊ុន សែន បានថ្លែងអំពាវនាវយ៉ាងទទូច ឱ្យមានការលប់បំបាត់ទម្លាប់លួចចម្លងស្នាដៃបរទេសមកធ្វើជារបស់ខ្លួន។
ជានឹងការអំពាវនាវ លោក ហ៊ុន សែន ក៏ជំរុញឱ្យក្រសួងវប្បធម៌ និងស្ថាប័នពាក់ព័ន្ធពង្រឹងកិច្ចការនេះឡើងវិញ ដើម្បីលើកកម្ពស់ស្នាដៃការបង្កើតរបស់កម្ពុជា ជាជាងការលួចចម្លងស្នាដៃពីជាតិសាសន៍ដទៃ។
ព្រមគ្នានេះ លោក ហ៊ុន សែន បានថ្លែងផងដែរថា សម្លៀកបំពាក់ប្រពៃណីមួយចំនួន ដូចជាអាវបំពង់ ត្រូវបានប្រើប្រាស់តែក្នុងទម្រង់សិល្បៈតែប៉ុណ្ណោះ រីឯសង្គមជាក់ស្តែងវិញ ពុំមាននោះឡើយ។
គួរបញ្ជាក់ថា គោលបំណងនៃការប្រារព្ធទិវានេះ គឺដើម្បីឱ្យប្រជាជនទូទាំងប្រទេស បានស្គាល់ និងយល់ដឹងកាន់តែច្បាស់ពី តម្លៃនៃសម្បត្តិវប្បធម៌ជាតិ ដែលជាប្រភពមិនចេះរីងស្ងួត ក្នុងការបង្កើតការងារ និងការទាញយកប្រាក់ចំណូល ពីធនធានទាំងនេះ៕
