គណៈរដ្ឋមន្រី្តប្រជុំរៀបចំសាងសង់រូបសំណាកសម្តេចព្រះបរមសព
ភ្នំពេញ ៖ នៅល្ងាចម៉ោង៤និង៣០នាទី ថ្ងៃទី១១ ខែកុម្ភៈ ឆ្នាំ២០១៣ នៅទីស្តីការគណៈរដ្ឋមន្ត្រី អនុគណៈកម្មការព័ត៌មានផ្សព្វផ្សាយ និងសាងសង់ ព្រះបរមបសំណាករបស់ព្រះបរមសពព្រះបរមរតនកោដ្ឋ បានជួបប្រជុំដើម្បីលើកឡើងពីគម្រោងសាងសង់ ព្រះបរមរូបសម្តេចព្រះមហាវីរក្សត្រ ក្រោម។
តាមគម្រោងព្រះបរមរូបរបស់ព្រះ បរមរតនកោដ្ឋ នឹងត្រូវសាងសង់ ជាទម្រង់រូបមួយជំហរ កម្ពស់៧ ម៉ែត្រក្នុងសម្លៀកបំពាក់ អាវស.កត្រង់ ស្លៀកចងក្បិន ។ ព្រះបរមរូបព្រះបរមរតនកោដ្ឋ គឺត្រូវសាងសង់ស្តូបពីលើ ដែលមានកម្ពស់ ២៧ម៉ែត្រ។ ស្តូបនោះមានកម្ពស់ទាបជាងវិមានឯករាជ្យ ប្រមាណ១០ម៉ែត្រប៉ុណ្ណោះ។
គម្រោងការសាងសង់ និងតម្កល់ព្រះរូបសំណាកសម្តេចព្រះបរមរតនកោដ្ឋ ត្រូវបានសម្តេចព្រះមហាក្សត្រី និងព្រះមហាក្សត្រ សព្វព្រះរាជហឫទ័យ និងគាំទ្រតាមការសម្រេចរបស់ប្រមុខរាជរដ្ឋាភិបាល លោកនាយករដ្ឋមន្ត្រី ហ៊ុន សែន រួចហើយដែរ។
តាមគម្រោងនេះដែរ រូបសំណាករបស់ព្រះបរមរតនកោដ្ឋ នឹងត្រូវតម្កល់លើសួនច្បារ ខាងកើតវិមានឯករាជ្យ ដើម្បីឲ្យប្រជាពលរដ្ឋ ភ្ញៀវជាតិ អន្តរជាតិងាយស្រួល គោរពព្រះវិញ្ញាណក្ខន្ធ និងចងចាំនូវគុណូបក្ការៈរបស់ព្រះអង្គ៕
