ម៉ូតូពីរគ្រឿងបុកគ្នាបណ្តាលឲ្យមនុស្សបីនាក់រងរបួសធ្ងន់
ភ្នំពេញ ៖ កាលពីវេលាម៉ោង ១នឹង២៥នាទីយប់ថ្ងៃទី១១ខែមករា មនុស្សបីនាក់ ត្រូវរងរបួសធ្ងន់ ខណៈដែលពួកគេជិះម៉ូតូពីរគ្រឿងបុក គ្នាពេញទំហឹង ស្ថិតតាមបណ្តោយផ្លូវ២០០៤ ក្នុងភូមិស្លែងរលើង សង្កាត់ទឺកថ្លា ខណ្ឌសែនសុខ។
ប្រភពព័ត៌មានពីក្នលែងកើតហេតុបានឲ្យដឹងថា ម៉ូតូពីរគ្រឿងដែលបុកគ្នាខាងលើនេះមួយគ្រឿងម៉ាក ស្មាស ពណ៌ខ្មៅ បើកបរដោយឈ្មោះ ជុំ សុវណ្ណារ៉ា អាយុ២៩ឆ្នាំ ម្នាក់ទៀតជិះពីក្រោយឈ្មោះជុំ តារា អាយុ២៥ឆ្នាំទាំង២នាក់ស្នាក់នៅផ្ទះជួលក្នុងសង្កាត់ចោមចៅខណ្ឌពោធិ សែនជ័យ។ ចំណែកម៉ូតូមួយគ្រឿងម៉ាកសេ ១២៥ ពណ៌ខ្មៅ ស៊េរី ២០១២បើកបរដោយបុរសមិនស្គាល់អត្តសញ្ញាណព្រោះដោយសាររូបគេបានរងរបួស ធ្ងន់ ។
មុនពេលកើតហេតុគេសង្កេតឃើញបុរសពីរនាក់ជិះស្មាស់ឌុបគ្នាយ៉ាងលឿន តាមបណ្តោយផ្លូវ ណតប្រ៊ីតពីជើងទៅត្បួងក្នុងល្បឿនលឿន លុះបើកមកដល់ចំណុចកើតហេតុខាងលើនេះ ជ្រុលចង្កូតទៅបុកម៉ូតូឌ្រីមសេ១២៥ ពណ៍ខ្មៅ ស៊េរី២០១២មួយគ្រឿងទៀតបើកដោយបុរសម្នាក់ តាមផ្លូវ២០០៤ក្នុងទិសដៅពីលិចទៅកើតចំពាក់កណ្តាលម៉ូតូពេញទំហឹង តែម្តង បណ្តាលឲ្យម្ចាស់ម៉ូតូទាំងពីរគ្រឿងត្រូវរងរបួសធ្ងន់ស្រាល ។
បន្ទាប់ពីកើតហេតុសមត្ថកិច្ចមូលដ្ឋានបានសហការគ្នាជាមួយនិងនគរបាល ចរាចរណ៍ខណ្ឌសែនសុខចុះមកអន្តរាគមន៍វាស់វែងនាំយកម៉ូតូទាំងពីរគ្រឿង ទៅរក្សាទុកនៅអធិការដ្ឋាននគរបាលខណ្ឌចំការមន ដើម្បីដោះស្រាយតាមផ្លូវច្បាប់៕
ដោយ៖ ហេង នាង
