បាតុករជាពលរដ្ឋប៉ាឡេស្ទីនច្រើននាក់រងរបួស បន្ទាប់ពីប៉ះទង្គិចជាមួយទាហានអ៊ីស្រាអែល
សារព័ត៌មាន Cambodia News/
ប៉ាឡេស្ទីន (១២ ធ្នូ ២០១៧) ៖ ពលរដ្ឋប៉ាឡេស្ទីនបាននិយាយថា កាលពីថ្ងៃចន្ទក្រុមបាតុករដែលជាពលរដ្ឋប៉ាឡេស្ទីនមួយចំនួនត្រូវបានរងរបួសនៅពេលដែលពួកគេបានបន្តប៉ះទង្គិចគ្នាជាមួយកងកម្លាំងអ៊ីស្រាអែលនៅក្នុងតំបន់វ៉េសបេង (West Bank) និងតំបន់ហ្គាហ្សា (Gaza) បន្ទាប់ពីសហរដ្ឋអាមេរិកបានប្រកាសទទួលស្គាល់ទីក្រុងហ្សេរុយសាឡឹមជារដ្ឋធានីរបស់ប្រទេសអ៊ីស្រាអែលកាលពីថ្ងៃទី០៦ ខែធ្នូ។
សាក្សីម្នាក់បាននិយាយថា បាតុករ៤នាក់នៅក្នុងតំបន់វ៉េសបេង (West Bank) ត្រូវបានរងរបួសដោយគ្រាប់កាំភ្លើង ខណៈដែលក្រុមបាតុករបាននាំគ្នាដុតសំបកកង់រថយន្ត និងប៉ះទង្គិចគ្នាជាមួយក្រុមទាហានអ៊ីស្រាអែលដែលបានបាញ់ឧស្ម័នបង្ហូរទឹកភ្នែកទៅលើពួកគេ។
រដ្ឋមន្ត្រីក្រសួងសុខាភិបាលក្នុងតំបន់ហ្គាហ្សា (Gaza) បាននិយាយផងដែរថា ក្រុមបាតុករដែលជាយុវជនចំនួន១៩នាក់ត្រូវបានរងរបួសដោយសារការគប់ដុំថ្មនៅពេលប៉ះទង្គិចគ្នាជាមួយក្រុមទាហានអ៊ីស្រាអែលនៅក្នុងភាគខាងកើតតំបន់ហ្គាហ្សា (Gaza) ។ រដ្ឋមន្ត្រីរូបនេះបានបន្ថែមថា មនុស្សយ៉ាងតិច៣នាក់បានរ
របួសដោយសារគ្រាប់កាំភ្លើងពិត, ៦នាក់រងរបួសដោយគ្រាប់កាំភ្លើងជ័រ និងជាច្រើននាក់ទៀតរងរបួសដោយសារឧស្ម័នបង្ហូរទឹកភ្នែក។
ទោះបីយ៉ាងណាភ្លាមៗនោះក្រុមទាហានអ៊ីស្រាអែលមិនទាន់ធ្វើការឆ្លើយតបណាមួយទៅនឹងការរាយការណ៍នេះនៅឡើយទេ៕
