ការដួលសន្លប់កម្មករនៅខេត្តព្រះសីហនុបណ្តាលមកពីពុលថ្នាំគីមី
កាលពីថ្ងៃទី១៣ កុម្ភៈ ២០១២ លោក ជា មុនី ប្រធានសហជីពសេរីកម្មករនៃព្រះរាជាណាចក្រកម្ពុជា បានចុះទៅពិនិត្យដោយផ្ទាល់ នៅរោងចក្រកាត់ដេរ ណានគូ នៅខេត្តព្រះសីហនុ។
លោក ជា មុនី បានឲ្យដឹងថា តាមការសន្និដ្ឋានដំបូង យើងឃើញថា កម្មករភាគច្រើន ដែលបានដួលសន្លប់ គឺ ដោយសារតែជាតិពុល។ ម្យ៉ាងទៀត រោងចក្រកាត់ដេរ ណានគូ មានដំបូងស័ង្កសី ទាប ដែលអាចជាកត្តាមួយទៀត នាំឲ្យកម្មករថប់ដង្ហើម ដួលសន្លប់ផងដែរ។
សហជីពកម្មកររបស់លោកជាមុនី បានប្រកាសនៅថ្ងៃទី១៤ កុម្ភៈ ២០១២ ថា កម្មកររោងចក្រកាត់ដេរ ណានគូ ដួលសន្លប់នោះ គឺបណ្តាលមកពីការពុលថ្នាំសម្លាប់សត្វល្អិត ក្នុងរោងចក្រ។ មកដល់ព្រឹកនេះស្ត្រីកម្មករភាគច្រើន ដែលបានដួលសន្លប់បានចេញពីមន្ទីរពេទ្យជាបណ្តើរៗ នៅសល់តែអ្នកដែលមានអាការៈធ្ងន់ធ្ងរប៉ុន្មាននាក់ប៉ុណ្ណោះ៕
