បុរសម្នាក់ស្ថិតក្នុងស្ថានភាពស្រវឹងបើករថយន្តរេចង្កួតទៅបុកម៉ូតូបណ្តាលឲ្យបុរសម្នាក់ និងកូនខ្លួនរងរបួសស្រាល
ភ្នំពេញ៖ កាលពីវេលាម៉ោង ៧៖៣០នាទីយប់ថ្ងៃទី១៧ វិច្ឆិកា ២០១២ ស្ថិតនៅតាម បណ្តោយផ្លូវលេខ ៧៥ កែវ៨៦ ក្នុងសង្កាត់ស្រះចក ខណ្ឌដូនពេញ បុរសម្នាក់ស្ថិតក្នុងភាពស្រវឹងស្រាបានបើករថយន្តរេចង្កូតទៅបុកម៉ូតូ និងរថយន្ត ចំនួន៥គ្រឿង បណ្តាលឲ្យបុរសម្នាក់ និងកូនតូច របស់ខ្លួនរងរបួសស្រាល ខណៈកំពុងជិះម៉ូតូ។
ប្រភពព័ត៌មានពីកន្លែងកើតហេតុបានឲ្យដឹងថា នៅវេលាម៉ោងកើតហេតុ បុរសម្នាក់ មិនស្គាល់ អត្តសញ្ញាណ បានជិះរថយន្ត មួយគ្រឿង ម៉ាកលុច្សស៊ីស RX300 ពណ៌ខ្មៅ ពាក់ស្លាកលេខ ភ្នំពេញ2K-5152 ខណៈកំពុង បើកបរ នៅតាមបណ្តោយ ផ្លូវខាងលើ ក្នុងស្ថានភាពស្រវឹង បានទៅបុក ម៉ូតូវីវ៉ា មួយគ្រឿង ដែលកំពុងបើកដោយ បុរសម្នាក់ និងកូនតូចរបស់ខ្លួន ។
នៅក្នុងហេតុការណ៍គ្រោះថ្នាក់នេះ អ្នកបើករថយន្ត បង្កហេតុ មិនបានឈប់នោះទេ ហើយប្រឹងបើករត់ ក៏ទៅបុក រថយន្ត និងម៉ូតូចំនួន៤គ្រឿងបន្ថែមទៀត ខណៈកំពុងបើកបរ បញ្ច្រសទិសគ្នា។ សមត្ថកិច្ច នៅកន្លែងកើតហេតុ មិនទាន់បានបញ្ជាក់ ពីអត្តសញ្ញាណ ម្ចាស់រថយន្ត បង្កនៅបានឡើយទេ ហើយរថយន្តបង្កហេតុ ត្រូវនាំយកទៅដោះស្រាយគ្នានៅការិយាល័យចរាចរណ៍ ផ្លូវគោករាជ ធានីភ្នំពេញ៕
ដោយ៖ ហេង នាង
