ឃាត់ខ្លួនជនសង្ស័យម្នាក់ពីបទចែកចាយគ្រឿងញៀន
ភ្នំពេញ ៖ កាលពី វេលាម៉ោង១និង៣០នាទីរសៀលថ្ងៃទី៣ ធ្នូ ២០១២ កម្លាំងនគរបាលផ្នែកព្រហ្ម ទណ្ឌខណ្ឌដូនពេញ បានឃាត់ខ្លួនជនសង្ស័យ ម្នាក់ពីបទចែកចាយគ្រឿងញៀន ស្ថិតនៅសង្កាត់ស្រះចក ខណ្ឌដូនពេញ ដោយរឹបអូសថ្នាំញៀនប្រភេទម៉ាទឹកកក ៨កញ្ចប់តូច ។
មន្ដ្រីនគរបាលព្រហ្មទណ្ឌខណ្ឌដូនពេញ បានឱ្យដឹងថាជនសង្ស័យ មានឈ្មោះង្វៀង ធើសឡឺយ អាយុ២០ឆ្នាំ ជាជនជាតិវៀតណាម រស់នៅផ្ទះជួល ភូមិ សាមគ្គី តាមបណ្ដោយផ្លូវជាតិលេខ៥ ក្នុងសង្កាត់ឫស្សីកែវ ។ បច្ចុប្បន្នជនសង្ស័យរូបនេះ ត្រូវបានឃុំខ្លួន ជាបណ្ដោះអាសន្ននៅអធិការដ្ឋាននគរបាលខណ្ឌដូនពេញ ៕
ដោយ៖ ហេង នាង
