ថៃមានអ្នកស្លាប់ដោយកូវីដ-១៩ ចំនួន៣១២នាក់ទៀត និងឆ្លងថ្មី ២០.៥១៥ករណី
សារព័ត៌មាន Cambodia News/
ថ្ងៃចេញផ្សាយៈ August 18, 2021
បាងកក (១៨ សីហា ២០២១) ៖ នៅថ្ងៃទី១៨ ខែសីហានេះ ក្រសួងសុខាភិបាលថៃបានប្រកាសថាមានអ្នកស្លាប់ដោយសារជំងឺកូវីដ ១៩ ប្រចាំថ្ងៃច្រើនបំផុតមិនធ្លាប់មានរហូតដល់ ៣១២ នាក់និងករណីឆ្លងថ្មីចំនួន ២០.៥១៥ករណីទៀត ក្នុងរយៈពេល ២៤ ម៉ោងចុងក្រោយនេះ។
ក្រសួងសុខាភិបាលថៃ បានប្រកាសនៅក្នុងរបាយការណ៍ថា ក្នុងចំណោមករណីឆ្លងថ្មីមាន ២០.២៦៧ ករណីជាប្រជាជនទូទៅ និង២៤៨ករណីទៀត ក្នុងចំណោមអ្នកទោសនៅពន្ធនាគារ។ ក្នុងរយៈពេល ២៤ ម៉ោងចុងក្រោយនេះអ្នកជំងឺកូវីដ ១៩ ចំនួន ២២.៦៨២ នាក់បានជាសះស្បើយហើយត្រូវបានអនុញ្ញាតឱ្យចេញពីមន្ទីរពេទ្យ៕
