ក្រោយផ្ទុះ COVID-19នៅសៀមរាប សមាគមធនាគារ និងសមាគមមីក្រូហិរញ្ញវត្ថុកម្ពុជាចេញសេចក្តីថ្លែការណ៍រួម

សារព័ត៌មាន​ Cambodia News/

ភ្នំពេញ (១០ មីនា ២០២០) ៖ សមាគមធនាគារ និងសមាគមមីក្រូហិរញ្ញវត្ថុកម្ពុជាបានចេញសេចក្តីថ្លែការណ៍រួមគ្នាស្តីពីវិធានការ ការពារផលប៉ះពាល់បណ្តាលមកពីពីរីករាលដាលជាសកលនៃវីរុស COVID-19 លើកទឹកចិត្តដល់សមាជិកសហគមឲ្យបន្តផ្តល់ឥណទានដល់វិស័យអទិភាពជាពិសេសចំពោះអាជីវកម្ម ផ្នែកសណ្ឋាគារ ផ្ទះសំណាក់ ទេសចរណ៍ សំណង់ វាយនភណ្ឌកាត់ដេរ និងផលិតស្បែកជើង។

សេចក្តីថ្លែងការណ៍រួមនេះធ្វើក្រោយពីការ​អំពាវនាវរបស់សម្តេចតេជោ​ ហ៊ុន​ សែន ថ្លែងក្នុងពិធី​សម្ពោធដាក់ឱ្យប្រើប្រាស់ផ្លូវជាតិលេខ៥៥ តភ្ជាប់ពីផ្លូវជាតិលេខ៥ ក្នុងទីរួមខេត្តពោធិ៍សាត់ ឆ្ពោះទៅកាន់ព្រំដែនថ្មដា ជាប់ជាមួយខេត្តត្រាត ប្រទេសថៃ និងបើកការដ្ឋានសាងសង់ផ្លូវជាតិ១០ តភ្ជាប់ពីសំឡូត ទៅខេត្តកោះកុង នាព្រឹកថ្ងៃទី៩ ខែមីនា ឆ្នាំ​២០២០៕