សម្ដេចតេជោ នឹងមានជំនួបជាមួយមន្រ្តី មូលនិធិអន្តជាតិ សម្រាប់អភិវឌ្ឍន៍កសិកម្មនៅព្រឹកស្អែកនេះ
សារព័ត៌មាន Cambodia News/
ភ្នំពេញ (២៥ កក្កដា ២០១៩) ៖ សម្ដេចតេជោ ហ៊ុន សែន នាយករដ្ឋមន្រ្តីកម្ពុជាបានប្រកាសលើបណ្ដាញទំនាក់ទំនងសង្គមហ្វេសប៊ុកសម្ដេច នៅថ្ងៃ២៥ កក្កដានេះថា នៅថ្ងៃទី២៦ ខែកក្កដា ឆ្នាំ២០១៩ស្អែកនេះ នឹងមានជំនួបជាមួយមន្រ្តីមូលនិធិអន្តជាតិ សម្រាប់អភិវឌ្ឍន៍កសិកម្ម នាទី ទីស្តីការគណៈរដ្ឋមន្រ្តី។
ការប្រកាសរបស់សម្តេចពេលនេះ ដើម្បីឲ្យអស់ក្តីសង្ស័យ លើស្ថានភាពសុខភាពរបស់សម្តេច ដោយសម្តេចលើឡើងថា សុខសប្បាយជាទេ បងប្អូនជនរួមជាតិ? សុខភាពខ្ញុំ គឺរឹងមាំធម្មតាទេ។ ស្អែកនេះ ខ្ញុំជួបភ្ញៀវមកពីមូលនិធិអន្តជាតិសម្រាប់អភិវឌ្ឍន៍កសិកម្មនៅទីស្តីការ។
អរគុណបងប្អូនដែលបានជូនពរខ្ញុំ។ អ្វីដែលសំខាន់បំផុតចំពោះខ្ញុំ គឺបងប្អូនជនរួមជាតិមានការងារមុខរបររស់នៅសុខសប្បាយ និងកូនចៅមានឱកាសទៅសាលារៀននៅគ្រប់ទីកន្លែង។ ខ្ញុំសូមជូនពរ និងអរគុណបងប្អូនដែលបានចូលរួមថែរក្សាសន្តិភាព និងចូលរួមអភិវឌ្ឍប្រទេសជាតិយើងអោយកាន់តែរីកចម្រើនទៅមុខ៕
