សម្តេចតេជោ ៖ ករណីអភិបាលរងខេត្តព្រះសីហនុ ភារកិច្ចបន្តគឺជាACUនិងក្រសួងមហាផ្ទៃ
សារព័ត៌មាន Cambodia News/
រាជធានីភ្នំពេញ (០១ មីនា ២០១៩) ៖ បន្ទាប់ពីដកតំណែងអភិបាលរងខេត្តព្រះសីហនុចំនួនពីររូប សម្តេចតេជោ ហ៊ុន សែន បានស្នើឲ្យអង្គភាពប្រឆាំងអំពើពុករលួយ និងក្រសួងមហាផ្ទៃ ចាត់វិធានការបន្តចំពោះអភិបាលរងទាំងពីររូបនេះ ។
បន្ទាប់ពីមានការខមមិនចូលក្នុងផេកហ្វេសប៊ុក សួរនាំចំពោះនីតិវិធីបន្តចំបោះមន្ត្រីដែលធ្វើបាបរាស្ត្រពីអ្នកលេងហ្វេសប៊ុក សម្តេចតេជោ ហ៊ុន សែន បានខមមិនតបចំពោះអ្នកលេងហ្វេសប៊ុកយ៉ាងដូច្នេះថា «សូមបញ្ជាក់ជូនថា ខ្ញុំបានប្រើអំណាចខ្ញុំ ដើម្បីដកចេញពីតំណែងហើយ ឯការងារបន្ត គឺជាភារកិច្ចរបស់អង្គភាពប្រឆាំងអំពើរពុករលួយ និងក្រសួងមហាផ្ទៃ»។
បន្ទាប់ពីដកតំណែងអភិបាលរងខេត្តព្រះសីហនុចំនួនពីររូបនៅលើបណ្តាញសង្គម ពិសេសនោះក្នុងខមមិនក្នុងផេកហ្វេសប៊ុកសម្តេច ត្រូវបានសាទរយ៉ាងខ្លាំង ចំពោះចំណាត់ការរបស់សម្តេចតេជោ ហ៊ុន សែន ក្នុងការដកមន្ត្រីដែលធ្វើបាបរាស្ត្របែបនេះ។
សូមជម្រាបថា សម្តេចតេជោ ហ៊ុន សែន បានដកតំណែងអភិបាលរងខេត្តព្រះសីហនុចំនួនពីររូបគឺលោក ស្រ៊ុន ស្រ៊ន់ និងលោកផៃ ប៊ុនវណ្ណៈ ។ អ្នកទាំងពីរនេះ បានពាក់ព័ន្ធរឿងវិវាទដីធ្លីនៅក្នុងខេត្តព្រះសីហនុ រហូតដល់មានការហិង្សាកើតឡើង ៕
