រថភ្លើងស៊េរីទំនើបល្បឿនលឿនដំឡើងនៅប្រទេសម៉ិកស៊ីកូបានរៀបចំដឺកមកកម្ពុជាហើយ
សារាព័ត៌មាន Cambodia News/
រាជធានីភ្នំពេញ (៣០ សីហា ២០១៨) ៖ តាមទំព័រហ្វេសប៊ុកផ្លូវការរបស់ក្រុមហ៊ុន Royal Railway Cambodia បានបង្ហាញវីដេអូខ្លីមួយ ពីការអូសក្បាលរថភ្លើងចេញពីរោងចក្ររថភ្លើងមួយគ្រឿងក្នុងចំណោមរថភ្លើងទាំង៣គ្រឿង ដែលនឹងបង្ហាញ់ខ្លួនយ៉ាងប្រណិតសំរាប់ដឺកភ្ញៀវពីស្តានីយឆ្ពោះទៅកាន់ព្រលានយន្តហោះអន្តរជាតិភ្នំពេញ។ ចំពោះរថភ្លើងទាំង៣បានរៀបចំដឺកមកខ្មែរហើយតែមិនទាន់ដឺងច្បាស់ថា មកដល់កម្ពុជាពេលណានោះទេ។
មានលក្ខណៈពិសេសជាច្រើនរបស់រថភ្លើងនេះដូចជា៖ ១. រត់ចំណាយពេលត្រឹមតែ ២៥នាទីប៉ុណ្ណោះពីស្ថានីយ ទៅព្រលានយន្តហោះ ២. ក្បាលម៉ាស៊ីនចំនួនពីរ មុខមួយ និងក្រោយមួយ ៣ . បច្ចេកវិទ្យាចុងក្រោយបំផុត ប្រកបដោយសុវត្ថិភាពខ្ពស់ ដោយមានកៅអីដូចកៅអីក្នុងយន្តហោះ ដែលអាចបត់បែន និងកែតម្រូវទៅតាមចិត្ត ៤. បន្ទប់ទឹក ម៉ាស៊ីនត្រជាក់ ទ្វារស្វ័យប្រវត្តិ និងកន្លែងដាក់ឥវ៉ាន់នៅខាងលើអ្នកដំណើរ ៥. Wifi ទូរទស្សន៍ និងប្រព័ន្ធផ្ដល់ព័ត៌មានតាមវីដេអូ៕ ដោយ ៖ ហេង នាង
