មនុស្ស៣៧ នាក់ស្លាប់ និង៦៩នាក់បាត់ខ្លួនដោយអគ្គិភ័យនៅមជ្ឈមណ្ឌលផ្សារទំនើបរុស្ស៊ី
សារព័ត៌មាន Cambodia News/
រុស្ស៊ី (២៦ មិនា ២០១៨) ៖ ទីភ្នាក់ងារសារព័ត៌មានរដ្ឋរបស់ប្រទេសរុស្ស៊ីបានរាយការណ៍ថា ចំនួនអ្នកស្លាប់នៅក្នុងអគ្គិភ័យនៅក្នុងផ្សារទំនើបនៅទីក្រុង Kemerovo ប្រទេសរុស្ស៊ី បានកើនឡើងដល់៣៧នាក់ និងមនុស្សចំនួន៦៩នាក់ផ្សេងទៀតកំពុងបាត់ខ្លួន។
សារព័ត៌មានTass បានដកស្រង់សម្តីរបស់ក្រុមអ្នកពន្លត់អគ្គិភ័យដែលបាននិយាយថាមនុស្ស៤០នាក់ដែលបាត់ខ្លួននៅផ្សារទំនើប Cherryនៅទីក្រុងនេះ គឺជាកូនក្មេង។ របាយការណ៍នេះក៏បាននិយាយផងដែរថាមនុស្ស៤៣នាក់បន្ថែមទៀតបានរងរបួសនៅក្នុងអគ្គិភ័យនេះ។
មិនមានព័ត៌មានភ្លាមៗអំពីមូលហេតុនៃអគ្គិភ័យដែលបានឆេះកាលពីថ្ងៃអាទិត្យនេះទេ ប៉ុន្តែសារព័ត៌មាន Tass បានរាយការណ៍ថាអគ្គិភ័យនេះ បានចាប់ផ្តើមនៅជាន់ខាងលើនៃផ្សារទំនើបនេះ ហើយបានបំផ្លាញតំបន់មួយដែលមានទំហំប្រហែល១.៥០០ម៉ែត្រការ៉េ៕
