តុលាការ ឧក្រិដ្ឋកម្មថៃចេញដីកាចាប់ខ្លួន លោក ស៊ូថេប ជាលើកទី៣
សារព័ត៌មាន Cambodia News /
ថៃ(០៦ មីនា ២០១៤)៖ តុលាការ ឧក្រិដ្ឋកម្មថៃបានចេញដីកា ចាប់ខ្លួនជាលើកទី៣នៅថ្ងៃទី៥ ខែមីនា ដល់មេដឹកនាំបាតុករលោកស៊ូថេប ថង ស៊ូបាន ។ លោកស៊ូថេប រងការចោទប្រកាន់ពី បទសម្លាប់មនុស្ស និងប៉ុនប៉ងសម្លាប់ មនុស្សនៅក្នុងការដាក់គំនាបលើក្រុម បាតុករប្រឆាំងរដ្ឋាភិបាលដែលពេល នោះលោកស៊ូថេប ជាឧបនាយករដ្ឋមន្ដ្រី កាលពីឆ្នាំ២០១០បណ្ដាលឱ្យមានមនុស្ស ៩២នាក់ស្លាប់ និងជាង២ពាន់នាក់រង របួស ។
កន្លងមក តុលាការឧក្រិដ្ឋកម្មថៃ កាលពីខែធ្នូ ឆ្នាំ២០១៣ ក៏បានចេញដីកា ចាប់ខ្លួនលោកស៊ូថេប ដោយចោទប្រកាន់ ពីបទញុះញង់ និងបំពានច្បាប់ប្រកាស អាសន្ននៅទីក្រុងបាងកក ។ ដីកាចាប់ខ្លួន លោកស៊ូថេប ជាលើកទី៣ធ្វើឡើងតាម សំណើរបស់មជ្ឈមណ្ឌលស្រាវជ្រាវ ពិសេសរបស់ថៃ ។
ក្នុងថ្ងៃជាមួយគ្នានោះ ពលរដ្ឋប្រមាណ ៣០០នាក់បានដង្ហែក្បួនទៅកាន់ទីស្នាក់ ការគណបក្សភឿថៃ ។ ក្នុងពេលជាមួយ គ្នានេះមានព័ត៌មានផ្សព្វផ្សាយថា រដ្ឋាភិ បាលអាចនឹងផ្លាស់ប្ដូរចេញពីទីក្រុងបាង កកទៅកាន់ទីក្រុងឆៀងមៃ ។
ចំណែក ប្រជាកសិករក៏បានបោះជំរុំ នៅតំបន់ផ្សេងទៀតក្នុងក្រុងបាងកក ដើម្បីទាមទាររដ្ឋាភិបាលសងបំណុលដល់ ពួកគាត់ ។ បើទោះបីធនាគារជាតិថៃ ប្រកាសថា នឹងទូទាតប្រាក់បំណុលដល់ ប្រជាកសិករនៅសបា្ដហ៍ក្រោយ តែប្រាក់ ដែលសងនោះមិនធ្វើឱ្យពលរដ្ឋ ស្ងប់ អារម្មណ៍នោះឡើយ៕