នាង ឃ្មឹប ភរិយាទី១ នាយ ហុងដា មានសភាពដុនដាបខ្លាំងគួរឲ្យសង្វេគ
សារព័ត៌មាន Cambodia News/
ភ្នំពេញ (១៦ ឧសភា ២០១៧) ៖ មានគណនីហ្វេសប៊ុកឈ្មោះ Keo Virakboth បានចែកចាយលើបណ្ដាញសង្គមពីវត្តមានភរិយាទី១របស់នាយ ហុងដា ត្រូវបានគេប្រទះឃើញនាងក្នុងសភាពដុនដាបខ្លាំង និងរូបរាង សាច់ឈាមខ្មៅស្រអាប់ខ្លាំងខុសពីមុនឆ្ងាយ ហើយមានមនុស្សជាច្រើនចូលមក Comment សម្ដែងការអាណិតអាស៊ូ និងចែកចាយបន្តឲ្យគ្នារ។
នៅលើគណនីហ្វេសប៊ុកខាងលើសរសេរថា “យប់នេះខ្ញុំបាទបានជួបអ្នកនាង ខ្មឹប ប្រពន្ធដើមលោក ហុងដា សភាពគួរឱ្យអាណិតណាស់ រកតែអង្ករច្រកឆ្នាំងសឹងពុំបានផងរកលុយមកមើលកូនក៏មិនបានទៀត គ្មានលុយមួយរៀលទេ សូមពុកម៉ែបងប្អូនមេត្តាជួយគាត់ផង មើលមុខ ក៏ដឹងថាគាត់គ្មានលុយដែរ អាណិតណាស់ បើចង់ជួយគាត់សូមខលមកលេខ 097 4707724”។
គួរបញ្ជាក់ថា ភរិយាទី១របស់នាយ ហុងដា ឈ្មោះ រ៉េន សុធារី ហៅ ឃ្មឹប ដើមឡើយគឺជានារីដ៏ស្រស់ស្អាតម្នាក់ និងជាតារាកំប្លែងល្បីឈ្មោះមួយរូបក្នុងក្រុមកំប្លែងនាយ កុយ។ ប៉ុន្តែក្រោយបែកគ្នាជាមួយនាង ហុងដា អំឡុងឆ្នាំ ២០១០ ជាមួយព័ត៌មានថា នាងមានអ្នកថ្មីនោះ ឆាកជីវិតនាងផ្លាស់ប្ដូរទាំងស្រុង ពិសេសបន្ទាប់ពីគូស្នេហ៍ថ្មីបានបោះបង់នាងចោល៕
