ផ្ទុះរថយន្តកាំមីញ៉ុងស៊ីទែនមួយនៅម៉ូហ្សំប៊ិកស្លាប់73នាក់
សារព័ត៌មាន Cambodia News/
ម៉ូហ្សំប៊ិក (១៨ វិច្ឆិកា ២០១៦) ៖ ក្នុងសេចក្តីប្រកាសមួយរដ្ឋាភិបាលម៉ូហ្សំប៊ិកនិយាយថា មនុស្សយ៉ាងតិច៧៣នាក់ត្រូវស្លាប់ហើយជាច្រើនសិបនាក់ទៀតរងរបួសដោយសារការផ្ទុះរថយន្តកាំមីញ៉ុងស៊ីទែនមួយកាលពីថ្ងៃទី១៧ វិច្ឆិកា នៅភាគខាងជើងប្រទេស ។
សេចក្តីប្រកាសបញ្ជាក់ថា ការផ្ទុះកើតមាននៅខេត្ត TETE ពេលរថយន្តស៊ីទែននោះបើកឆ្ពោះទៅប្រទេសម៉ាឡាវី ដោយដឹកប្រេងពីទីក្រុង BEIRA ជាក្រុងកំពង់ផែមួយនៅជាប់ឆ្នេរសមុទ្រភាគកណ្តាលម៉ូហ្សំប៊ិក រួចជួបគ្រោះថ្នាក់ក្រឡាប់ ។ រថយន្តនោះបានផ្ទុះពេលប្រជាជនមូលដ្ឋានលើកគ្នាមកចោមរោមដើម្បីត្រងយកប្រេង ។ ពួកអ្នករបួសត្រូវបានបញ្ជូនទៅកាន់មន្ទីរពេទ្យដែលនៅក្បែរ ៕