ស្លាប់ម្នាក់ និង ១១នាក់ទៀតរងរបួសក្នុងការវាយប្រហារបំផ្ទុះគ្រាប់បែកលើរថយន្តនៅទីក្រុងហ្សាឡេ
សារព័ត៌មាន Cambodia News/
លីបង់ (០១ កញ្ញា ២០១៦) ៖ យោងតាមមន្ត្រីកកាបាទក្រហមរបស់ប្រទេសលីបង់ឲ្យដឹងថា ការបំផ្ទុះគ្រាប់បែកលើរថយន្តដឹកទំនិញមួយគ្រឿងក្នុងទីក្រុងហ្សាឡេ ក្នុងតំបន់ជ្រលងភ្នំបេការបស់ប្រទេសលីបង់កាលពីថ្ងៃពុធ សម្លាប់មនុស្សយ៉ាងហោចណាស់ម្នាក់ និង ១១នាក់ផ្សេងទៀតរងរបួស។
ប្រភពដដែលបន្តថា ការផ្ទុះនេះបានកើតឡើងនៅរង្វង់មូលមួយក្បែរទីក្រុងហ្សាឡេ ដោយមិនបានដឹងជាមុនឡើយ។ ចំណែកសារព័ត៌មានក្នុងស្រុកបានរាយការណ៍ថា មនុស្សម្នាក់ដែលបានស្លាប់ជាស្ត្រី ប៉ុន្តែមិនបានផ្ដល់ព័ត៌មានលំអិតបន្ថែមទៀតទេ។ ក្រោយការវាយប្រហារភ្លាមៗ មិនមានក្រុមណាមួយអះអាងទទួលខុសត្រូវទេ៕
