ក្រឡាប់រថយន្តដឹកកម្មករ រងរបួសធ្ងន់ស្រាល ២៨នាក់
សារព័ត៌មាន Cambodia News/
កំពង់ស្ពឺ (០៣ សីហា ២០១៦) ៖ នាវេលាម៉ោង០៦ និង៣០នាទីព្រឹកថ្ងៃទី០៣ ខែកក្កដា ឆ្នាំ២០១៦នេះ មានករណីគ្រោះថ្នាក់ចរាចរណ៍មួយបានកើតឡើង ដោយរថយន្តដឹកកម្មករ-កម្មការនី បានក្រឡាប់ បណ្តាលឲ្យជះមនុស្សចេញពីរថយន្ត ដេកស្តូកស្តឹងពេញផ្លូវ។ ហេតុការណ៍គ្រោះថ្នាក់នេះបានកើតឡើងនៅលើកំណាត់ផ្លូវជាតិលេខ៥១ ឋិតនៅភូមិភ្នំតូច ឃុំ-ស្រុកឧដុង្គ ខេត្តកំពង់ស្ពឺ។
តាមប្រពភព័ត៌មានបានឲ្យដឹងថា រថយន្តម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ កំពង់ស្ពឺ 2A 3787 ដឹកកម្មករ-កម្មការនីចំនួន៤០នាក់ បានបើកបរយ៉ាងលឿន លុះមកដល់ចំណុចកើតហេតុក៏បានរេចង្កូតក្រឡាប់ ជះមនុស្សមកលើផ្លូវតែម្តង។ មានកម្មករចំនួន២០នាក់បានរងរបួស ក្នុងនោះ៨នាក់របួសធ្ងន់ត្រូវបានដឹកយកទៅកាន់មន្ទីរពេទ្យ និងគ្លីនិកនៅជិតៗនោះ។
