សាលាក្រុងនឹងដាក់ឲ្យដំណើរការផ្លូវក្រោមដីតិចណូបណ្តោះអាសន្ននៅព្រឹកថ្ងៃស្អែក
សារព័ត៌មាន Cambodia News/
ភ្នំុពេញ (២៤ កក្កដា ២០១៥) ៖ ដោយទទួលបានគោលការណ៍ពីរាជរដ្ឋាភិបាលកម្ពុជា នៅថ្ងៃស្អែកទី២៥ ខែកក្កដា ឆ្នាំ២០១៥ វេលាម៉ោង៨ព្រឹក សាលារាជធានីភ្នំពេញ នឹងដាក់អោយប្រើប្រាស់ជាបណ្តោះអាសន្នផ្លូវក្រោមដីតិចណូ ដែលមានប្រវែង៣៣៣.៦ម ទទឹង៦ម ទៅ៧.៥ម។
ខណៈដែលផ្លូវនេះនឹងត្រូវដាក់ឲ្យប្រើប្រាស់នៅព្រឹកស្អែក សាលារាជធានីភ្នំពេញក៏បានណែនាំដល់អ្នកធ្វើដំណើរឆ្លងកាត់ផ្លូវនេះផងដែរថា ដោយកំពស់ក្រោមស្ពាន៥.០០ម ដូច្នេះហាមដឹកសំពីងសំពោង, ត្រូវបើកបរក្នុងល្បឿនមិនអោយលើស ២០គ.មក្នុង១ម៉ោង, ហាមជិះវ៉ាគ្នា ប្រជែងគ្នា និងហាមការជិះបព្ច្រាសទិសជាដាច់ខាត និងហាមការឈប់សំចតនៅផ្លូវក្រោមដី៕
