អាជ្ញាធររាជធានីភ្នំពេញ ជម្រុញឲ្យប្រជាពលរដ្ឋប្រើប្រាស់អាងប្រព្រឹត្តិកម្មទឹកស្អុយ
សារព័ត៌មាន Cambodia News/
ភ្នំពេញ (២៥ មិថុនា ២០១៥) ៖ នាព្រឹកថ្ងៃទី២៥ ខែមិថុនានេះ នៅសាលារាជធានីភ្នំពេញ ឯកឧត្តម ប៉ា សុជាតិវង្ស អភិបាលរាជធានីភ្នំពេញ បានអនុញ្ញាតឲ្យប្រតិភូក្រុមហ៊ុន ផាតនើរ ផ្លឹស ខូអិលធីឌី របស់ជប៉ុន ធ្វើបទបង្ហាញពីធុង និងប្រព័ន្ធប្រព្រឹត្តកម្មទឹកកខ្វក់ បន្ទាប់ពីកិច្ចប្រជុំនេះក្រុមហ៊ុនគ្រោងនឹងយកប្រឡាយទឹកស្អុយស្ទឹងមានជ័យយកមកសិក្សា និងធ្វើការពិសោធន៍ ។
យោងតាមទំព័រហ្វេប៊ុក របស់អាជ្ញាធររាជធានីភ្នំពេញបាន បានឲ្យដឹងថា អាជ្ញាធររាជធានីភ្នំពេញ កំពុងនឹងជម្រុញឲ្យរោងចក្រ សហគ្រាស ផ្ទះសំណាក់ សណ្ឋាគារ ភោជនីយដ្ឋានទាំងអស់ត្រូវរៀបចំប្រព័ន្ធប្រព្រឹត្តកម្មចម្រោះទឹកស្អាត ហើយជំហានបន្ទាប់នឹងជម្រុញឲ្យបណ្ដាលំនៅដ្ឋានទាំងអស់ប្រើប្រាស់ប្រព័ន្ធនេះ ដើម្បីលើស្ទួយអនាម័យ បរិស្ថាន ជាពិសេសតុល្យភាពនៃការប្រើប្រាស់ទឹកក្នុងរាជធានីភ្នំពេញ ។
គួរបញ្ជាក់ថាផងដែរ បច្ចុប្បន្នទីក្រុងនៅបណ្ដាប្រទេសអភិវឌ្ឍន៍ភាគច្រើននៅលើពិភពលោកបាននឹងកំពុងប្រើប្រាស់ចង្វាក់ប្រព្រឹត្តកម្មច្រោះទឹកស្អុយ ទឹកកខ្វក់ដែលហូរចេញពីរោងចក្រសហគ្រាស ភោជនីយដ្ឋាន សណ្ឋាគារ និងទីតាំងផ្សេងៗទៀត ៕ ដោ៖ ហេង នាង
