ភាពយន្តខ្មែរមួយ រងការរិះគន់ថា ចម្លងពីបរទេសទាំងស្រុង (មានវីដេអូ)
សារព័ត៌មាន Cambodia News/
ភ្នំពេញ (២៧ ឧសភា ២០១៥) ៖ ភាពយន្តខ្មែរមួយ ដែលកំពុងតែធ្វើការចាក់បញ្ចាំងក្នុងស្ថានីយ៍ទូរទស្សន៍ខ្មែរ ប៉ុស្តិ៍លេខ៩ ប្រៀបធៀបជាមួយនឹងភាពយន្តកូរ៉េបង្ហោះលើបណ្តាញសង្គម ត្រូវបានគេមើលឃើញថា គឺសម្តែងតាមភាពយន្តគេទាំងស្រុងតែម្តង។
បន្ទាប់ពីបង្ហោះវីដេអូភាពយន្ត ដែលកាត់តដោយប្រិយមិត្តក្នុងបណ្តាញសង្គម បានធ្វើឲ្យមានការរិះគន់ យ៉ាងចាស់ដៃ ពីអ្នកនិយមលេង Facebook ចំពោះការចម្លងពីបរទេស មកកាឡៃធ្វើជារបស់ខ្លួន។
ភាពយន្តខ្មែរដែលកំពុងទទួលបាននូវការរិះគន់យ៉ាងចាស់ដៃថា បានចម្លងពីគេទាំងស្រុងនេះមានចំណងជើងថា “រាជនីឆ្នើម” ចំណែកភាពយន្តកូរ៉េ ដែលប្រិយមិត្តក្នុងបណ្តាញសង្គម ធ្វើការប្រៀបធៀបមានចំណងជើងថា “បេះដូងស្រីឆ្នាស់”៕
