វ៉ាន់ នីឡា សម្ញែងភាពហ៊ឺហារក្រោមមន្ទិលសង្ស័យ
សារព័ត៌មាន Cambodia News/
ភ្នំពេញ (០៣ ធ្នូរ ២០១៤) ៖ តារាចម្រៀងវ័យក្មេង កញ្ញា វ៉ាន់ នីឡា បច្ចុប្បន្ននេះ ត្រូវបានមហាជនមើលឃើញថា អាជីពសិល្បៈរបស់នាង សព្វថ្ងៃហាក់កំពុងតែ មានហាងឆេងទីផ្សារច្រើន ក្នុងវិស័យចម្រៀង ។ មិនតែប៉ុណ្ណោះ ក្នុងរយៈពេលនេះ តារាចម្រៀងស្រីរបស់ ផលិតកម្ម ភ្លេងរីខត កញ្ញា វ៉ាន់ នីឡា ក៏ហាក់មានភាពហ៊ឺហារ ជាមួយនឹងការប្រើប្រាស់ សម្ភារៈ មានតម្លៃថៃ្លៗ ខុសប្លែកពីពេលមុនទៀតផង។
ថ្មីៗនេះ នៅលើទំព័រទំនាក់ទំនង ហ្វេសប៊ុក របស់ វ៉ាន់ នីឡា ត្រូវបានគេមើលឃើញថា នាងតែងបញ្ចេញនូវរូបថតប្លែកៗគ្នាជាច្រើន បន្តបន្ទាប់ព្រមជាមួយការលេងស្ទីល ម៉ូដសម្លៀកបំពាក់ និងការសម្ញែងសម្ភារៈ មានតម្លៃថ្លៃៗបង្អួត Friend លើ Facebook ។
សកម្មភាពបង្ហាញពីភាពហ៊ឺហារ របស់ វ៉ាន់ នីឡា អំឡុងពេលនេះ បានធ្វើឱ្យមតិមួយចំនួនលើកឡើងថា តារារូបនេះ អាចទទួលបានការឧបត្ថម្ភ ជ្រោមជ្រែង ពីប្រភពពីក្រោយខ្នងណាមួយដោយហេតុថា ថ្មីៗកន្លងមក ធ្លាប់មានដំណឹងថា មានអ្នកជំនួញឆ្លងទ្វីប ក្រៅស្រុកពេញចិត្ត ចង់ យកធ្វើជាគូស្នេហ៍ ដោយសន្យាផ្តល់ គ្រប់យ៉ាងឱ្យនាង៕
