ផ្ទុះហ្គាសនៅតៃវ៉ាន់ អ្នកស្លាប់កើនឡើងដល់ ២៤នាក់
សារព័ត៌មាន Cambodia News/
តៃវ៉ាន់ (០២ សីហា ២០១៤) ៖ គិតត្រឹមម៉ោង ១១៖០០នាទីព្រឹក ថ្ងៃសុក្រ ទី០១នេះ ចំនួនអ្នកស្លាប់ បានកើនឡើងដល់ ២៤នាក់ និង ២៧១នាក់រងរបួស ក្នុងគ្រោះថ្នាក់ផ្ទុះហ្គាសដ៏ខ្លាំងក្លា នៅទីក្រុង Kaohsiung ភាគខាងត្បូងឆៀងខាងកើត កោះតៃវ៉ាន់។
មន្ត្រីពន្លត់អគ្គីភ័យ ក្នុងតំបន់បានឲ្យដឹងថា ហ្គាសបានចាប់ផ្តើម លេចធ្លាយ និងផ្ទុះឡើងនៅម៉ោង ៨៖៤៦នាទីយប់ ថ្ងៃព្រហស្បតិ៍ម្សិលមិញ ហើយបានផ្ទុះឡើងជាបន្តបន្ទាប់ គ្របដណ្តប់លើផ្ទៃដីប្រមាណ ៣គីឡូម៉ែត្រការ៉េ នេះបើតាមព័ត៌មានស៊ិនហួ ចេញផ្សាយនៅព្រឹកថ្ងៃសុក្រ ទី១ ខែសីហា នេះ៕
