ផ្លូវក្រោមស្ពាន អាកាស ស្ទឹងមានជ័យ ត្រូវបាន បើកឱ្យដំណើរកាជាបណ្ដោះអាសន្ន
សារព័ត៌មាន Cambodia News/
ភ្នំពេញ (០៤ មិថុនា ២០១៤) ៖ កាលពីព្រឹកថ្ងៃទី០៤ ខែមិថុនា នេះ អភិបាលរង រាជធានីភ្នំពេញ លោកសេង រតនៈ បានចុះទៅបើកឱ្យ ដំណើរការបណ្ដោះអាសន្ន ផ្លូវក្រោមស្ពានអាកាស ស្ទឹងមានជ័យ ដើម្បី ឱ្យប្រជាពលរដ្ឋ អាចធ្វើដំណើរឆ្លងកាត់ កាត់ បន្ថយការកកស្ទះចរាចរ ។
ពិធីសម្ពោធជាផ្លូវការនៃការដាក់ឱ្យដំណើរការ ឆ្លងកាត់ស្ពានអាកាស ស្ទឹងមានជ័យ ត្រូវបាន លោក សេង រតនៈ ឱ្យដឹងថា នឹងត្រូវ ធ្វើឡើងនៅចុងខែកក្កដា ឆ្នាំ២០១៤ ក្រោម អធិបតី លោក ហ៊ុន សែន នាយករដ្ឋមន្ដ្រីនៃកម្ពុជា ។
ក្រោយការបើកឱ្យដំណើរស្ពានអាកាស ស្ទឹងមានជ័យនោះ គេរំពឹងថា ការកកស្ទះចរាចរ នឹងកាត់បន្ថយបានច្រើន ខណៈដែលបច្ចុប្បន្ន ការធ្វើដំណើរឆ្លងកាត់ទីនោះមានសន្ទុះកាន់តែខ្លាំង ។
សូមបញ្ជាក់ថា ស្ពានអាកាសស្ទឹងមានជ័យ ត្រូវបានបើកការដ្ឋានសងសង់ កាលពីចុងខែវិច្ឆិកា ឆ្នាំ២០១២ ដែលជាគម្រោងវិនិយោគ របស់ក្រុមហ៊ុន ICOC ក្នុងតម្លៃទឹក ប្រាក់ប្រមាណ ១៩លានដុល្លារ ហើយគ្រោងបញ្ចប់សាងសង់នៅអំឡុងខែមីនា ឆ្នាំ២០១៥៕
