ក្រុម Anonymous កម្ពុជាបន្តវាយលុកបាន វេបសាយរដ្ឋាភិបាល
សារព័ត៌មាន Cambodia News/
ភ្នំពេញ (០២ ឧសភា ២០១៤) ៖ នៅថ្ងៃទី០២ ឧសភានេះ វេបសាយរបស់ស្ថាប័ន រដ្ឋាភិបាលចំនួន៣ថ្មីបន្ថែមទៀត ត្រូវបានក្រុមAnonymous Cambodia ឬក្រុម Hackersអនាមិកកម្ពុជា បានធ្វើការវាយលុក និងលុបចេញនូវទិន្នន័យសំខាន់ៗ ដែលមាននៅក្នុងវេបសាយទាំងនេះ។
វេបសាយរដ្ឋាភិបាល ដែលក្រុមHackers វាយលុកបាននៅថ្ងៃនេះរួមមាន វេបសាយ ទីស្តីការគណៈរដ្ឋមន្ត្រី ,វេបសាយ ក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ និវេបសាយ បញ្ជាការដ្ឋាន កងរាជអាវុធហត្ថ លើផ្ទៃប្រទេស ។
ក្នុងទំព័រហ្វេសប៊ុករបស់ក្រុមជនអនាមិកកម្ពុជានេះ បានសរសេរទៀតថា Anonymous Cambodia នឹងធ្វើប្រតិបត្តិការវាយប្រហារវេបសាយចំនួន១២៥ នៅ ជុំវិញពិភពលោក ដើម្បីកោះហៅ Hacker ជុំវិញពិភពលោកមក ចូលរួម សេចក្តីប្រកាសព័ត៌មាន “ប្រតិបត្ដិការដើម្បីសេរីភាពកម្ពុជា” ហើយពួកគេនឹងវាយប្រហារទៅលើរដ្ឋាភិបាលកម្ពុជាចាប់ពីថ្ងៃនេះតទៅ៕
