បេប៊ី ឡើងកូដក្រោយចូលឆ្នាំថ្មី
សារព័ត៌មាន Cambodia News/
ភ្នំពេញ (២៥ មេសា ២០១៤) ៖ តារាចម្រៀង តារាសម្តែងវ័យក្មេង ដែលកំពុងតែឡើងកូដពីមួយថ្ងៃទៅមួយថ្ងៃឥត ឈប់ឈរក្នុងអាជីពសិល្បៈកញ្ញា ជុំ រចនាពេជ្រ ហៅបេប៊ី កាន់តែប្រឹងពង្រីកទីផ្សារសិល្បៈច្រើនជាងមុនជាបន្ត បន្ទាប់ ។
មុន នេះនាងទើបតែក្លាយជាតារាម៉ូដែលមិនបានប៉ុន្មានផង នាងបានបង្កើតក្រុមរាំលោតហក់សម្តែងពេញឆាក ។ ក្រៅពីនេះ នាងទើបតែចុះតុងត្រាថតរឿងភាគខ្មែរព្រមៗគ្នា បន្ទាប់ពីបុណ្យចូលឆ្នាំថ្មីរំលងទៅថ្មីៗ ដែលនេះកាន់តែធ្វើឱ្យគេមើលឃើញថា តារាវ័យក្មេងរូបនេះ កាន់តែផុសត្រដែតឡើងជាបន្តទៀតក្នុងជំហានសិល្បៈ ។
ក ញ្ញាបេប៊ី ទើបតែបង្កើតក្រុមរាំផ្ទាល់ខ្លួនមួយ ដើម្បីឡើងសម្តែងតាមស្ថានីយទូរទស្សន៍ក្នុងន័យវិវត្តន៍ខ្លួនឱ្យ កាន់តែលេចធ្លោបន្ថែមទៀត ខណៈដែលតារាចម្រៀងលេចធ្លោជាច្រើនដួងទៀត គេមានក្រុមរាំសម្តែងប្រជែងគ្នាពេញពិភពសិល្បៈ ។
ក្នុងពេលដែល បេប៊ី ឡើងសម្តែងជាបទចម្រៀងញ័រញាក់អមជាមួយក្រុមរាំនាងបានឆក់អារម្មណ៍ អ្នកទស្សនាច្រើនគ្រាន់បើ ដោយសារតែការបង្ហាញក្បាច់រាំរបស់នាងមើលទៅមានការទាក់ទាញ ព្រមជាមួយសមាជិកមានលក្ខណៈត្រូវដង្ហើម ត្រូវចង្វាក់គ្នាមើលទៅមិនចាញ់ក្រុមតារាចម្រៀងប្រចាំផលិតកម្ម នោះឡើយ ។
កញ្ញាបេប៊ី ដែលកាន់តែជោគជ័យក្នុងទំព័រសិល្បៈ ហើយកាន់តែមានរូបរាងស្រស់ស្អាត មុខមានមន្តស្នេហ៍បានប្រាប់ថា ដើម្បីឱ្យការសម្តែងរបស់នាងពេលឡើងច្រៀងតាមស្ថានីយទូរទស្សន៍មាន ភាពប្លែកចៀសវាងភាពដដែលៗ នាងបានបង្កើតក្រុមរាំផ្ទាល់ខ្លួនមួយហាត់រាំក្នុងន័យវិវត្តន៍ សមត្ថភាពខ្លួនឱ្យកាន់តែប្រសើរជាងមុន៕
