សេង សូណា៖ ឆ្នាំនេះថតពាក់អាវ ឆ្នាំក្រោយថតដោះអាវម្តង
សារព័ត៌មាន Cambodia News/
ភ្នំ ពេញ(១៣ មិនា ២០១៣)៖ ភាពភ្ញាក់ផ្អើលមួយ បានកើតឡើង បន្ទាប់ពីក្នុង Accuont Facebook ដែលមានដាក់ឈ្មោះ ថា Seng Sona និងអមទៅដោយរូបរបស់នាង សេង សូណា ផងនោះ បានសរសេរសារជា ភាសាខ្មែរថា “ឆ្នាំនេះថតពាក់អាវ គេថាខ្ញុំសិចស៊ី ឆ្នាំក្រោយថតដោះអាវហើយ ថតរឿងសិចឲ្យទូទាំងពិភពលោក បានដឹងថា ខ្មែរក៏មិនចាញ់បរទេសដែរ..ហាស ហាស ហាស..”។
តាមរយៈសារជាភាសាខ្មែរនេះ ត្រូវបានអ្នកនិយមលេងហ្វេសប៊ុក បញ្ចេញចំណាប់អារម្មណ៍ថា នាង សេង សូណា និយាយនេះក្នុងន័យបញ្ចើចបញ្ចើ ដល់អ្នកដែលតែងតែ ធ្វើការរិះគន់លើរូបនាង ដែលបញ្ចេញភាពសិចស៊ីរបស់នាង នាពេលកន្លងមក។
ប៉ុន្តែក៏មិនអាចសន្និដ្ឋានបានដែរថា សេង សូណា មិនហ៊ានធ្វើបែបនេះ ព្រោះនាងត្រូវបានគេចាត់ទុកថា ជាតារាសិចស៊ី មិនសំចៃដៃ ក្នុងមជ្ឈដ្ឋានសិល្បៈ ខណៈកន្លងមកនាង បានបញ្ចេញវិដេអូសិចស៊ីម្ដងរួចមកហើយ ប៉ុន្តែនាងបដិសេធថា ជាវិដេអូប្អូនស្រីរបស់នាងទៅវិញ។
តារាសម្ដែង សេង សូណា ត្រូវបានគេដឹងថា នាងបានសម្រេចចិត្តមកអុកឡុក ពិភពសិល្បៈឡើងវិញ ដោយយកស្ទីលបញ្ចេញ ភាពសិចស៊ីយ៉ាងចាស់ដៃ ធ្វើឲ្យផ្អើលអស់មហាជន និងមិត្តភក្តិជាអ្នកសិល្បៈដូចគ្នា រហូតដល់មានទាំងអ្នកសរសើរ និងអ្នករិះគន់៕
