ខ្យល់ព្យុះកំណាចហាយយ៉ាន់ថមថយឥទ្ធិពល តែបង្កមហន្តរាយនៅវៀតណាមដដែល
បើតាម បុគ្គលិកមួយរូបរបស់កាកបាទក្រហមនៅប្រទេសវៀតណាមបានឲ្យដឹងថា វិធានការជម្លៀសប្រជាពលរដ្ឋពីខ្យល់ព្យុះកំណាច ជួយឲ្យប្រទេសនេះទប់ស្កាត់មិនឲ្យមានការបាត់បង់ជីវិតមនុស្ស ច្រើនដូចនៅប្រទេសហ្វ៊ីលីពីន។
ទោះ ជាខ្យល់ព្យុះកំណាច ហាយយ៉ាន់បានថមថយឥទ្ធិពលរបស់ខ្លួនយ៉ាងខ្លាំង ក៏វាបានបក់ធ្វើឲ្យដើមឈើរលំទាំងឫស និងបក់ប៉ើងដំបូលផ្ទះរាប់រយខ្នងផងដែរនៅពេលខ្យល់ព្យុះនេះវាយ ប្រហារប្រទេសវៀតណាម ។
រដ្ឋាភិបាលវៀតណាមបានឲ្យដឹងថា ខ្យល់ព្យុះនេះបានសម្លាប់មនុស្ស១៣នាក់ និងរងរបួសជាង ៨០នាក់។
បើ តាមលោក Michael Annear ពីកាកបាទក្រហមវៀតណាមបានឲ្យដឹងថា គេបានជម្លៀសមនុស្សប្រមាណ ៦០ម៉ឺននាក់មុនពេលខ្យល់ព្យុះនេះបក់ដល់ប្រទេសវៀតណាម៕ (Radio Australia)