នាយករដ្ឋមន្ត្រីជាប់ឆ្នោតអូស្ត្រាលីនឹងប្រកាសពីគណៈរដ្ឋមន្ត្រីថ្ងៃនេះ
គេរំពឹងថាលោក Tony Abbott នាយករដ្ឋមន្ត្រីជាប់ឆ្នោតនឹងប្រកាសពីសមាជិកគណៈរដ្ឋមន្ត្រីថ្មីរបស់លោកនៅថ្ងៃនេះ។
សមាជិក សភាចាស់វស្សារបស់ គណបក្សប្រឆាំងមួយរូបគឺលោកស្រី Bronwyn Bishop អាចនឹងក្លាយទៅជាប្រធានសភា បន្ទាប់ពីលោក Abbott បានផ្តល់ការគាំទ្រដល់លោកស្រីលើតួនាទីនេះ។
គេរំពឹងថាការរៀបចំគណៈរដ្ឋមន្ត្រីថ្មីនេះនឹងមិនបញ្ចូលព្រឹទ្ធសមាជិកច្រើននោះទេនៅក្នុងក្រុមមេដឹកនាំ។
ព្រឹទ្ធ សមាជិក Ian Macdonald បានប្រកាសរួចហើយក្នុងសេចក្តីថ្លែងការណ៍របស់លោកពីបំណងក្នុងការ ដកខ្លួនចេញពីសមាជិកក្រុមដឹកនាំ។ លោក Abbott ក៏បានសម្តែងនូវការដឹងគុណដល់តួនាទីរបស់ព្រឹទ្ធសមាជិក Macdonald ផងដែរ។
សមាជិកសភាក្រុង Brisbane លោកស្រី Teresa Gambaro ក៏នឹងបាត់បង់តំណែងក្នុងជួរអ្នកដឹកនាំផងដែរ៕ (Radio Australia)
