កញ្ចប់សុវត្ថិភាព «ក» មួយចំនួន នឹងបើកនៅថ្ងៃអាទិត្យនេះ
ភ្នំពេញ៖ បើតាមមន្រ្តីជាន់ខ្ពស់គណៈកម្មាធិការជាតិរៀបចំការ បោះឆ្នោត (គ.ជ.ប) ឲ្យដឹងថា កញ្ចប់សុវត្ថិភាព «ក» មួយចំនួន ដែលកំពុងតែមានការទាមទារឲ្យបើកដើម្បីបញ្ចប់មន្ទិលសង្ស័យពាក់ ព័ន្ធនឹងជម្លោះលទ្ធផលឆ្នោតនោះ នឹងត្រូវបើកនៅថ្ងៃអាទិត្យខាងមុខនេះ តាមការសម្រេចរបស់ក្រុមប្រឹក្សាធម្មនុញ្ញ។
លោក ទេព នីថា អគ្គលេខាធិការ គ.ជ.ប បាននិយាយប្រាប់វិទ្យុក្នុងស្រុកមួយនារសៀលថ្ងៃសុក្រនេះថា នៅថ្ងៃអាទិត្យ កញ្ចប់សុវត្ថិភាព «ក» មួយចំនួននឹងបើកដើម្បីធ្វើការផ្ទៀងផ្ទាត់ ដោយមានតំណាងគណបក្សនយោបាយចំនួន៨ចូលរួម ពិសេសគឺគណបក្សសង្រ្គោះជាតិ និងគណបក្សប្រជាជនកម្ពុជា។
លោក ទេព នីថា បានបញ្ជាក់ថា កញ្ចប់សុវត្ថិភាព «ក» ដែលនឹងបើកនៅថ្ងៃអាទិត្យនោះ គឺមកពីការិយាល័យជាង១០ក្នុងខេត្តក្រចេះ ដែលកំពុងមានបញ្ហាអំពីលទ្ធផលឆ្នោតខុសគ្នា៕ Cambodia News
