ម៉ូតូ បុកម៉ុតូស្លាប់ ២នាក់
ភ្នំពេញ៖ កាលពីវេលាម៉ោង២ និង៣០នាទី រំលងអាទ្រាត្រ ចូលដល់ថ្ងៃទី ០៦សីហា ឆ្នាំ ២០១៣ នៅចំណុចមហាវិថី រោត្តម កែង១៥៤ ក្នុងសង្កាត់ផ្សារថ្មីទី៣ ខណ្ឌដូនពេញ បុរសជនជាតិជប៉ុនម្នាក់បានស្លាប់ភ្លាមៗ រីឯបានបុរសជនជាតិខ្មែរម្នាក់បានស្លាប់ ក្រោយបញ្ជូនទៅដល់ពេទ្យកាលម៉ែត្រ នៅក្នុងករណីគ្រោះថ្នាក់ចរាចរណ៏មួយរវាងម៉ូតូ និងម៉ូតូ។
មុនពេលកើតហេតុគេឃើញម៉ូតូម៉ាក eagle ពណ៌ខ្មៅមួយគ្រឿងពាក់ស្លាកលេខ ភ្នំពេញ1BW 2478 បើកបរដោយជនជាតិជប៉ុនម្នាក់ក្នុងទិសដៅពីកើតទៅលិច តាមផ្លូវលេខ១៥៤ លុះមកដល់ស្ដុបរោងកុនលុច្ស ម៉ូតូខាងលើបានបត់ឆ្វេង មកផ្លូវនរោត្តមស្រាប់តែមានម៉ូតូក្លីក ពណ៌ខ្មៅ ពាក់ស្លាកលេខភ្នំពេញ1AY 1611 បើកដោយបុរសជនជាតិខ្មែរម្នាក់ ពីត្បូងទៅជើងតាមផ្លូវនរោត្តម ទៅបុកចំពីមុខពេញទំហឹង បណ្ដាលឲ្យម៉ូតូទាំង២កៀបជាប់គរលើគ្នា ។ ខណៈនោះបបុរសជនជាតិជប៉ុនបានស្លាប់ភ្លាមៗនៅលើម៉ូតូ , ចំណែកភាគីម្ខាងទៀត ស្លាប់ក្រោយពេលបញ្ជូនទៅដល់មន្ទីរពេទ្យកាលម៉ែត ។
បច្ចុប្បន្នសពបុរសជនជាតិជប៉ុន ត្រូវបានគេយកទៅតម្កល់នៅសាលមន្ទីរពេទ្យកាលម៉ែត ។ចំណែកសាកសពរបស់បុរសជនជាតិខ្មែរ ត្រូវបានក្រុមគ្រួសារនាំយកទៅធ្វើបុណ្យនៅវត្តទួលសង្កែ ។ រីឯម៉ូតូរបស់ជនរងគ្រោះទាំង២គ្រឿងត្រូវបាននាំយកទៅរក្សាទុកនៅ ការិយាល័យនគរបាលចរាចរណ៏ជើងគោករាជធានីភ្នំពេញ ៕ Cambodia News