ប្រទេសនូវែលហ្សេឡង់ចំណាយរាប់លានដុល្លារដើម្បីទាក់ទាញ និស្សិតបរទេស
ប្រទេសនូវែលហ្សេឡង់បានប្រកាសអំពីចំណាយ ថវិការាប់លានដុល្លារ ដើម្បីទាក់ទាញនិស្សិតបរទេស ជាពិសេសនិស្សិតដែលមកពីតំបន់អាស៊ីដើម្បីឲ្យមកបន្តការសិក្សានៅ ក្នុងសាកលវិទ្យាល័យក្នុងប្រទេសខ្លួន។
រដ្ឋាភិបាលមានគោលបំណងលើកកម្ពស់វិស័យអប់រំអន្ដរជាតិឲ្យបានទ្វេដងនៅត្រឹមឆ្នាំ២០២៥ ។
រដ្ឋា ភិបាលនៃប្រទេសនូវវែលហ្សេឡង់បានប្តេជ្ញាថាចំណាយទឹកប្រាក់ ៤០លានដុល្លារនូវែលហ្សេ ឡង់ដែលត្រូវនឹង ៣៣ លានដុល្លារសហរដ្ឋអាម៉េរិកនៅក្នុងផែនការថវិកាជាតិថ្មីរបស់ខ្លួន ដើម្បីលើកកម្ពស់ផ្សព្វផ្សាយប្រទេសខ្លួននៅក្នុងទីផ្សារធំៗមួយ ចំនួនដូចជា ចិន ឥណ្ឌា ប្រទេសនៅតំបន់អាស៊ីអាគ្នេយ៍ និងអាម៉េរិកខាងត្បូង។
មាននិស្សិតបរទេសប្រមាណជា ១ សែននាក់បានចុះឈ្មោះនៅក្នុងស្ថាប័នឧត្ដមសិក្សាកាលពីឆ្នាំមុន ដោយបានផ្តល់ការងារចំនួន៣២,០០០ ព្រមទាំងចំណូល ២ ពាន់លានដុល្លារទៅឲ្យសេដ្ឋកិច្ចរបស់ប្រទេសនេះនូវែលហ្សេឡង់៕ (Radio Australia)
