កាកបាទក្រហមកម្ពុជា ប្រមូលថវិកា ប្រមាណជិត១៥លានដុល្លារ
Cambodia News
ភ្នំពេញ៖ កាលពីថ្ងៃទី៨ ខែឧសភា ឆ្នាំ២០១៣ បណ្តាមន្រ្តីកម្ពុជា ព្រមទាំងសប្បុរសជនទាំងឡាយ បានមកជួបជុំគ្នាប្រារព្ធខួបកាកបាទក្រហម និងអឌ្ឍចន្ទក្រហម លើកទី១៥០ ដែលធ្វើឡើងនៅទីស្នាក់កណ្តាល កាកបាទក្រហម រាជធានីភ្នំពេញ។
ក្នុងពិធីដែលមានការចូលរួម ពីលោកនាយករដ្ឋមន្រ្តី ហ៊ុន សែន បានរៃអង្គាសប្រាក់បានប្រមាណ ជិត១៥លានដុល្លារ សម្រាប់បំរើសកម្មភាពមនុស្សធម៌របស់ខ្លួន សម្រាប់រយៈពេលមួយឆ្នាំនេះផងដែរ។ មិនតែប៉ុណ្ណោះ លោកស្រី ប៊ុន រ៉ានីហ៊ុនសែន ភរិយាលោកហ៊ុន សែន ក៏ត្រូវបានព្រះមហាក្សត្រកម្ពុជា សម្តេចព្រះ នរោត្តម សីហមុនី ផ្តល់គោរមងារជា “សម្តេចកិត្តិព្រឹទ្ធបណ្ឌិត”ផងដែរ។
ព្រះមហាក្សត្រ កម្ពុជា ក៏កោតសរសើរលោកស្រី ប៊ុន រ៉ានី ថាជាអគ្គមគ្គទេសក៍ដ៏ល្អឆ្នើម ជាទីគោរពស្រឡាញ់ដ៏ខ្ពង់ខ្ពស់របស់ប្រជារាស្ត្រ មានស្វាមីភក្តិដ៏ជ្រាលជ្រៅ ចំពោះព្រះរាជបល្ល័ង្គ បានចូលរួមដង្ហែព្រះករុណាព្រះមហាវីរក្សត្រ អតីតព្រះករុណានរោត្តម សីហនុ តាំងពីដើមរហូតដល់ព្រះអង្គយាងសោយព្រះទិវង្គត និងបានបំពេញការងារផ្នែកមនុស្សធម៌ បានយ៉ាងប្រសើរថែមទៀត៕